ಒಂದಿನ ಸಿಕ್ಕಾಪಟ್ಟೆ ತಿರುಗಾಡಿ ಸುಸ್ತಾಗಿತ್ತು,ಹಸಿವು ಬೇರೆ..
ಸುತ್ತ ಮುತ್ತ ಯಾವ ರೆಸ್ಟೋರೆಂಟ್ ಕಾಣಿಸ್ತಾ ಇಲ್ಲ,
ಗೂಗಲ್ ಸರ್ಚ್ ಮಾಡಿದ್ರೆ ಬರೀ..
Subway,Burger king,Costa,M&S, nero cafe,pret,gregg,Star buck,expresso,ಪಿಟ್ಜಾ ಹಟ್,MC,Dixcy,ಇಂತಹುಗಳೇ ಕಾಣಿಸ್ತಾ ಇವೆ..!😢
ಕೊನೆಗೆ ಅಲ್ಲೆಲ್ಲೋ Borough ಮಾರ್ಕೆಟ್ ಒಳಗಡೆ
Ve Gang,plant based food ಅಂತ ಕಾಣಿಸ್ತು..
ನೋಡೋಣ ಅಂತ ಮಾರ್ಕೆಟ್ ಬಾಗಿಲ ಒಳಗಡೆ ಹೋಗಿ ಹುಡುಕಿ ನೋಡಿದ್ರೆ..
ತುಂಬಾ ಚಿಕ್ಕದಾದ ಒಂದು ಸಣ್ಣ ಗೂಡು ಅಂಗಡಿ ತರಹದ ಅಂಗಡಿ,ಸಕತ್ ಚನ್ನಾಗಿ ಇಟ್ಟಿದ್ದರು,
ಒಬ್ಬಳೇ ಹುಡುಗಿ ಚಪಾತಿ ಏನೋ ಲಟ್ಟಿಸುತ್ತಾ ಇದ್ದಳು..
ಹತ್ತಿರ ಹೋದ ತಕ್ಷಣ..
You all rite!?
ಅಂತ ನಗೆ ಬೀರಿದಳು..
ಏನಿದೆ!?
ಸಂಪೂರ್ಣ ಸಸ್ಯಾಹಾರವಾ"ಅಂತ ಕೇಳಿದೆ
"ಹೌದು"
ಅಂತ ಮೆನು ಕೊಟ್ಟಳು..
ನಾನು ಮೆನು ಎಲ್ಲಾ ನೋಡಿ.
"ಹಲಸಿನ ಹಣ್ಣಿನದ್ದು ರಾಫ್ (Jack fruit wrap)ಆರ್ಡರ್ ಓಕೆ,ಇನ್ನೊಂದು ನಿಮ್ಮಲ್ಲಿ ಯಾವುದು ಫೇಮಸ್ ಅದು ಕೊಡಿ"
ಅಂತ ಹೇಳಿ ಅಲ್ಲೇ ಇದ್ದ ಲಾಂಜ್ ನಲ್ಲಿನ ಸಾರ್ವಜನಿಕ ಟೇಬಲ್ ಮೇಲೆ ಕೂತೆ,
ಸ್ವಲ್ಪ ಹೊತ್ತಿನ ನಂತರ
"ತಗೊಳ್ಳಿ ನಿಮ್ಮ ಹಲಸಿನ ಹಣ್ಣಿನ ರಾಫ್ ಹಾಗೂ ಚಿಕನ್ ರಾಫ್ enjoy your food"
ಅಂತ ಕೈಗೆ ಕೊಟ್ಟೆ ಬಿಟ್ಟಳು,
ಒಂದು ಸರಿ ಶಾಕ್ ನಾನು,ಅಲ್ಲ ಸಸ್ಯಾಹಾರ(Vegan) ಅಂತ ಹೇಳಿ ಚಿಕನ್ ತಿನ್ನುವ ಹಾಗೆ ಮಾಡ್ತಾ ಇದ್ದಳಲ್ಲ ಈ ಬ್ರಿಟಿಶ್ತಿ..😡
ಅಂತ ಎದ್ದು ಹೋಗಿ,
"ನಾನು ಕೇಳಿದ್ದು ಸಂಪೂರ್ಣ ಸಸ್ಯಾಹಾರ ಅಲ್ವಾ ಅಂದೆ!?"
ಅದಕ್ಕೆ ಅವಳು
"ಇದು ಸಸ್ಯಾಹಾರವೇ (Vegan only)"
ಅಂದಳು ನನಗೆ confuse ಆಯ್ತು,
"ಅಲ್ಲ ಮತ್ತೇನೋ ಚಿಕನ್ ರಾಫ್(chicken wrap) ಅಂದ್ರಲ್ಲ"
ಅಂದೆ,ಗಾಬರಿಯಿಂದ...!
ಅದಕ್ಕೆ ಅವಳು
"ನಾವು ಸಂಪೂರ್ಣ ಸಸ್ಯ ಜನ್ಯ ಆಹಾರ ಮಾತ್ರ ಉಪಯೋಗ ಮಾಡೋದು ನಮ್ಮ ಶಾಪ್ ನಲ್ಲಿ,
ಡೈರಿ ಪ್ರಾಡಕ್ಟ್ ಕೂಡ ಉಪಯೋಗಿಸಲ್ಲ"
ಅಂದಳು,
"ನಾನು ಓಹ್ ಹೌದಾ..ಧನ್ಯವಾದಗಳು,ಚಿಕನ್ ಅಂದ್ರಲ್ಲ ಗಾಬರಿ ಆಯ್ತು"
ಅಂತ ನಕ್ಕು ಬಿಟ್ಟೆ,
"ಹಾಗೆಲ್ಲಾ ನಂಬಿಕೆ ದ್ರೋಹ ಖಂಡಿತಾ ಮಾಡಲ್ಲ,ಅನುಮಾನ ಬೇಡ ಅದಕ್ಕೆ ಹೆಸರು ಹಾಗೆ ಇಟ್ಟಿದ್ದೇವೆ ಅಷ್ಟೇ! ನಿಮ್ಮ ಆಹಾರವನ್ನ ನೆಮ್ಮದಿಯಿಂದ ತಿನ್ನಿ ಅದು ಸಂಪೂರ್ಣ ಸಸ್ಯಾಹಾರ"
ಅಂತ ನಕ್ಕಳು,
ನಾನು ಕಣ್ಣು ಕಣ್ಣು ಬಿಡ್ತಾ ಬಂದು ಅಲ್ಲೇ ಚೇರ್ ಮೇಲೆ ಕೂತು ಚಿಕನ್ ರಾಫ್ ತಿಂದೇ,ಚನ್ನಾಗಿತ್ತು....!
ಆದರೆ ನಮ್ಮ ಹಲಸಿನ ಹಣ್ಣಿನ ರಾಫ್ ನಷ್ಟು ರುಚಿ ಅನಿಸಿಲ್ಲ..😍❤️
ಆಮೇಲೆ ಮೆನು ಸರಿಯಾಗಿ ಗಮನಿಸಿದರೆ ಅದು
Chicken wrap ಅಲ್ಲ
Chik'n wrap😂
ಒಂದು ಸಣ್ಣ ಸ್ಪೆಲ್ಲಿಂಗ್ ಬದಲಾವಣೆ ಮಾಡಿ ಬ್ರಿಟನ್ ಅಜ್ಜಿ ಕಡೆಯವರು ನನಗೆ ಮಂಗ ಮಾಡೋದಾ ಮಾರಾಯ್ರೆ..
ಥೋ..
😂
ಆದರೆ ve-gang👌
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ