ಬ್ಲಾಕ್ ಪೂಲ್ ಪ್ಲೇಜರ್ ಬೀಚ್

ಒಮ್ಮೆ ನಾನು ರಾತ್ರಿ ಕೆ ಎಸ್ ಆರ್ ಟಿ ಸಿ ಬಸ್ಗೆ ಊರಿಗೆ ಹೊರಟಿದ್ದೆ..

ಮೆಜೆಸ್ಟಿಕ್ ನಿಂದ ಕೆ ಎಸ್ ಆರ್ ಟಿ ಸಿ,ಬಸ್ ಇರೋದ್ರಿಂದ ಅಲ್ಲಿಗೆ ಹೋಗೋಕೆ

ವೋಲ್ವೋ ಬಸ್ ಹತ್ತಿ ಬಾಗಿಲು ಎದುರು ಇರುವ ಅಡ್ಡ ಸೀಟ್ ನಲ್ಲಿ ಕುಳಿತಿದ್ದೇ..

ಇನ್ನೊಂದು ಸ್ಟಾಪ್ ನಲ್ಲಿ ಒಬ್ಬರು 50ವಯಸ್ಸಿನ ಆಸು ಪಾಸಿನ ಪ್ರಯಾಣಿಕರು ಬಸ್ ಹತ್ತಿ,ನನ್ನ ಬಲ ಬಾಗದ ಕೊನೆಯ ಅಡ್ಡ ಸೀಟು ನಲ್ಲಿ ಕುಳಿತರು,

ಸ್ವಲ್ಪ ಹೊತ್ತಿಗೆ ಏನೋ ತಡೆಯಲಾಗದ ವಾಸನೆ ಮೂಗಿಗೆ ರಾಚ ತೊಡಗಿತು..

ಒಳಗಿದ್ದವರೆಲ್ಲಾ ಏನೋ ಕಿರಿ ಕಿರಿ ಅನುಭವಿಸುತ್ತಾ ಕೆಲವರು ಮೂಗು ಮುಚ್ಚಿಕೊಂಡು ಕುಳಿತರು..

ಒಂದೆರೆಡು ಸ್ಟಾಪ್ ನ ನಂತರ ವಾಸನೆ ಜಾಸ್ತಿಯಾಗುತ್ತಾ ಹೋಯಿತು..

ತಡೆಯಲಾಗದಷ್ಟು..ವೋಲ್ವೋ ಬಸ್ ಅಂದರೆ ಕೇಳಬೇಕಾ..ಗಾಳಿ ಹೊರಗೆ ಹೋಗುವ ಸಾಧ್ಯತೆ ಕೂಡ ಇಲ್ಲ..!

ಯಾಕೋ ಅನುಮಾನ ಬಂದು ಪಕ್ಕದಲ್ಲಿದ್ದವರು ಕಾಲು ನೋಡಿದರೆ..ನನ್ನ ಬಲ ಬದಿಯ ತುದಿಗೆ ಕುಳಿತಿದ್ದ ವ್ಯಕ್ತಿಯ ಚಪ್ಪಲಿಯಲ್ಲಿ ಏನೋ ಗಲೀಜು ಅಂಟಿ ಕೊಂಡಿದೆ,

ನನ್ನ ಪಕ್ಕದಲ್ಲಿದ್ದ ಇನ್ನೊಬ್ಬ ವ್ಯಕ್ತಿ ಗಮನಿಸಿ,ಅವರಿಗೆ ವಿಷಯ ತಿಳಿಸಿದರು,

ಅವರು ಬಹಳ ಗಾಬರಿ ಹಾಗೂ ಬೇಸರದಿಂದ ಬೈಯಲು ತೊಡಗಿದರು..

"ನೋಡಿ ಸಾರ್..ನಾಯಿ ಸಾಕ್ತಾರೆ.ಪುಟ್ ಪಾಟ್ ನಲ್ಲಿ ಮಧ್ಯ,ರಸ್ತೆಯಲ್ಲೇ ಎಲ್ಲಾ ಮಾಡಿಸಿ ಹೋಗ್ತಾರೆ,ನಾನು ಬಸ್ ಗೆ ಬರುವ ಗಡಿಬಿಡಿಯಲ್ಲಿ ನೋಡದೆ ಪುಟ್ ಪಾತ್ ನಲ್ಲಿ ಎಲ್ಲೋ ತುಳಿದೆ ಅನಿಸುತ್ತೆ ಏನು ಕರ್ಮನೋ" ಅಂತ ವಿವರಣೆ ನೀಡಿದ್ರು..

ಇನ್ನೇನು ಮೂರು ನಾಲ್ಕು ಸ್ಟಾಪ್ ಇತ್ತು..ಮೆಜೆಸ್ಟಿಕ್ ಬರೋಕೆ..ಒಳಗಿದ್ದವರು ಯಾರೂ ಏನೂ ಹೇಳಲಿಲ್ಲ..

ನಿರ್ವಾಹಕರು ಪಾಪದವರು..ಒಂದು ಮಾತು ಬೈಯಲಿಲ್ಲ..

ಪಕ್ಕದಲ್ಲಿ ಇದ್ದವರು,ಹೋಗಲಿ ಬಿಡಿ..ಸ್ಟಾಪ್ ನಲ್ಲಿ ಇಳಿದು,ತೊಳೆದು ಕೊಂಡು ಹೋಗಿ..ಎಂದರು...

ಆಮೇಲೆ ನಿರ್ವಾಹಕರು ಯಾವ ಸೋಪ್,ಶಾಂಪೂ ಹಾಕಿ ಬಸ್ ತೊಳೆದರೋ ಅವರಿಗೆ ಗೊತ್ತು..!ಪಾಪ...

ಈ ಘಟನೆ ಯಾಕೆ ಹೇಳಿದೆ ಎಂದರೆ..

ಬೆಂಗಳೂರು ನಲ್ಲಿ ಒಂದಷ್ಟು ಸ್ಯಾಡಿಸ್ಟ್ ಮನಸ್ಥಿತಿಯ ಜನರಿದ್ದಾರೆ,ತಮ್ಮ ಮನೆಯ ನಾಯಿಯನ್ನ ವಾಕಿಂಗ್ ಕರೆದು ತಂದು ಇನ್ನೊಬ್ಬರ ಮನೆಯ ಗೇಟ್ ಮುಂದೆ, ಮಧ್ಯ ಪುಟ್ ಪಾತ್ ನಲ್ಲಿ,ಮಧ್ಯ ರಸ್ತೆಯಲ್ಲಿ ಮೂತ್ರ,ಮಲ ವಿಸರ್ಜನೆ ಮಾಡಿಸಿ..ಅದು ನನ್ನ ಹಕ್ಕು ಅಂತ ಸ್ಟೈಲ್ ಆಗಿ ಹೋಗೋರು..

ಅಷ್ಟು ಕಾಮನ್ ಸೆನ್ಸ್ ಇಲ್ಲದವರಿಗೆ ಆ ಪಾಪದ ಪ್ರಾಣಿಗಳನ್ನ ಸಾಕುವ ಯೋಗ್ಯತೆ ಏನಿರುತ್ತೆ?ಹಾಗೆ ಕೆಲವು ಮಹಾನ್ ಮಾನವತಾವಾದಿ ಜನಗಳು,ಹಲವು ವಯಸ್ಸಾದ ನಾಯಿಗಳು,ಹೆಣ್ಣು ನಾಯಿಗಳನ್ನ,ಮರಿಗಳನ್ನ,ಎಲ್ಲೋ ಉದ್ಯಾನವನ,ಕಾಲಿ ಸೈಟ್ ಅಥವಾ ಯಾರ ಮನೆಯದೋ ಕಾಂಪೌಂಡ್ ವಾಲ್ ಹತ್ತಿರ ಬಿಟ್ಟು ಹೋಗಿರೋದು ನೋಡಿರ್ತೀರಿ..

ಇಂತಹಾ ಅಸಹ್ಯತನಕ್ಕೆ ಆ ಪ್ರಾಣಿ ಸಾಕೋ ಶೋಕಿ ಯಾಕೆ ಬೇಕು??

ಪ್ರಾಣಿಗಳು ಅಂದರೆ ಎಲ್ಲಾ ಒಂದೇ ಅಲ್ವಾ..ಅವನ್ನ ಶೋಷಣೆ ಮಾಡೋಕೆ,ಹಿಂಸೆ ಮಾಡೋಕೆ ನಮಗೇನು ಹಕ್ಕಿರುತ್ತೆ?

ಯು.ಕೆ ಯಲ್ಲಿ

ನಾಯಿ ಮಾಡಿದ ಮಲವಿಸರ್ಜನೆ ಅದರ ಮಾಲೀಕ ತೆಗೆದು ನಿರ್ದಿಷ್ಟ ಡಬ್ಬಿಗಳಿಗೆ ಕಡ್ಡಾಯವಾಗಿ ಹಾಕತಕ್ಕದ್ದು..

ತಪ್ಪಿದರೆ..

£1000 ದವರಿಗೆ(ಸುಮಾರು ಹತ್ತಿರ ಹತ್ತಿರ 1ಲಕ್ಷ ರೂಪಾಯಿ)ದಂಡ..

ಹಾಗೂ ನಾಯಿಗಳನ್ನ ಸಾಕಲು ಆಯಾ ಸ್ಥಳೀಯ ಆಡಳಿತದವತಿಯಿಂದ ಪರ್ಮಿಶನ್ ತೆಗೆದು ಕೊಳ್ಳೋದು ಕಡ್ಡಾಯ..

ಹಾಗಾಗಿ ಇಲ್ಲಿ ಬೀದಿ ನಾಯಿಗಳ ಕಾಟ ಅಥವಾ ಅವುಗಳು ಜೀವನಕ್ಕಾಗಿ ಅಲೆದಾಡುವ ಪರಿಸ್ಥಿತಿ ಉದ್ಭವ ಆಗುವುದಿಲ್ಲ..

ಹಾಗೆ ನಾಯಿಗಳ ಸಂರಕ್ಷಣೆ ಹಾಗೂ ಸಾಕಾಣಿಕ ಕೇಂದ್ರಗಳು ಕೂಡ ಇಲ್ಲಿವೆ..

ನಾಯಿಗಳನ್ನ ಸಾಕಿ..ಬೇಸರವಾದಾಗ ರಸ್ತೆಗೆ ಬಿಡುವ ದರಿದ್ರ ಮನಸ್ಥಿತಿಯವರು ಇಲ್ಲಿ ಬಹಳ ಕಡಿಮೆ..

ಹಾಗಿದ್ದವರು ಇದ್ದರೂ,ಸರ್ಕಾರ ಕಠಿಣ ಕಾನೂನು ಕೈಗೊಳ್ಳುವ ಭಯವಿದೆ ಅವರಲ್ಲಿ..

ಈ ರೀತಿಯ ಡಬ್ಬಿಗಳನ್ನ ಪ್ರತಿ ಸಾರ್ವಜನಿಕ ಸ್ಥಳದಲ್ಲಿ ಉದ್ಯಾನವನಗಳಲ್ಲಿ ಇಟ್ಟಿರುತ್ತಾರೆ..👇

naayi kathe

ಒಮ್ಮೆ ನಾನು ರಾತ್ರಿ ಕೆ ಎಸ್ ಆರ್ ಟಿ ಸಿ ಬಸ್ಗೆ ಊರಿಗೆ ಹೊರಟಿದ್ದೆ..

ಮೆಜೆಸ್ಟಿಕ್ ನಿಂದ ಕೆ ಎಸ್ ಆರ್ ಟಿ ಸಿ,ಬಸ್ ಇರೋದ್ರಿಂದ ಅಲ್ಲಿಗೆ ಹೋಗೋಕೆ

ವೋಲ್ವೋ ಬಸ್ ಹತ್ತಿ ಬಾಗಿಲು ಎದುರು ಇರುವ ಅಡ್ಡ ಸೀಟ್ ನಲ್ಲಿ ಕುಳಿತಿದ್ದೇ..

ಇನ್ನೊಂದು ಸ್ಟಾಪ್ ನಲ್ಲಿ ಒಬ್ಬರು 50ವಯಸ್ಸಿನ ಆಸು ಪಾಸಿನ ಪ್ರಯಾಣಿಕರು ಬಸ್ ಹತ್ತಿ,ನನ್ನ ಬಲ ಬಾಗದ ಕೊನೆಯ ಅಡ್ಡ ಸೀಟು ನಲ್ಲಿ ಕುಳಿತರು,

ಸ್ವಲ್ಪ ಹೊತ್ತಿಗೆ ಏನೋ ತಡೆಯಲಾಗದ ವಾಸನೆ ಮೂಗಿಗೆ ರಾಚ ತೊಡಗಿತು..

ಒಳಗಿದ್ದವರೆಲ್ಲಾ ಏನೋ ಕಿರಿ ಕಿರಿ ಅನುಭವಿಸುತ್ತಾ ಕೆಲವರು ಮೂಗು ಮುಚ್ಚಿಕೊಂಡು ಕುಳಿತರು..

ಒಂದೆರೆಡು ಸ್ಟಾಪ್ ನ ನಂತರ ವಾಸನೆ ಜಾಸ್ತಿಯಾಗುತ್ತಾ ಹೋಯಿತು..

ತಡೆಯಲಾಗದಷ್ಟು..ವೋಲ್ವೋ ಬಸ್ ಅಂದರೆ ಕೇಳಬೇಕಾ..ಗಾಳಿ ಹೊರಗೆ ಹೋಗುವ ಸಾಧ್ಯತೆ ಕೂಡ ಇಲ್ಲ..!

ಯಾಕೋ ಅನುಮಾನ ಬಂದು ಪಕ್ಕದಲ್ಲಿದ್ದವರು ಕಾಲು ನೋಡಿದರೆ..ನನ್ನ ಬಲ ಬದಿಯ ತುದಿಗೆ ಕುಳಿತಿದ್ದ ವ್ಯಕ್ತಿಯ ಚಪ್ಪಲಿಯಲ್ಲಿ ಏನೋ ಗಲೀಜು ಅಂಟಿ ಕೊಂಡಿದೆ,

ನನ್ನ ಪಕ್ಕದಲ್ಲಿದ್ದ ಇನ್ನೊಬ್ಬ ವ್ಯಕ್ತಿ ಗಮನಿಸಿ,ಅವರಿಗೆ ವಿಷಯ ತಿಳಿಸಿದರು,

ಅವರು ಬಹಳ ಗಾಬರಿ ಹಾಗೂ ಬೇಸರದಿಂದ ಬೈಯಲು ತೊಡಗಿದರು..

"ನೋಡಿ ಸಾರ್..ನಾಯಿ ಸಾಕ್ತಾರೆ.ಪುಟ್ ಪಾಟ್ ನಲ್ಲಿ ಮಧ್ಯ,ರಸ್ತೆಯಲ್ಲೇ ಎಲ್ಲಾ ಮಾಡಿಸಿ ಹೋಗ್ತಾರೆ,ನಾನು ಬಸ್ ಗೆ ಬರುವ ಗಡಿಬಿಡಿಯಲ್ಲಿ ನೋಡದೆ ಪುಟ್ ಪಾತ್ ನಲ್ಲಿ ಎಲ್ಲೋ ತುಳಿದೆ ಅನಿಸುತ್ತೆ ಏನು ಕರ್ಮನೋ" ಅಂತ ವಿವರಣೆ ನೀಡಿದ್ರು..

ಇನ್ನೇನು ಮೂರು ನಾಲ್ಕು ಸ್ಟಾಪ್ ಇತ್ತು..ಮೆಜೆಸ್ಟಿಕ್ ಬರೋಕೆ..ಒಳಗಿದ್ದವರು ಯಾರೂ ಏನೂ ಹೇಳಲಿಲ್ಲ..

ನಿರ್ವಾಹಕರು ಪಾಪದವರು..ಒಂದು ಮಾತು ಬೈಯಲಿಲ್ಲ..

ಪಕ್ಕದಲ್ಲಿ ಇದ್ದವರು,ಹೋಗಲಿ ಬಿಡಿ..ಸ್ಟಾಪ್ ನಲ್ಲಿ ಇಳಿದು,ತೊಳೆದು ಕೊಂಡು ಹೋಗಿ..ಎಂದರು...

ಆಮೇಲೆ ನಿರ್ವಾಹಕರು ಯಾವ ಸೋಪ್,ಶಾಂಪೂ ಹಾಕಿ ಬಸ್ ತೊಳೆದರೋ ಅವರಿಗೆ ಗೊತ್ತು..!ಪಾಪ...

ಈ ಘಟನೆ ಯಾಕೆ ಹೇಳಿದೆ ಎಂದರೆ..

ಬೆಂಗಳೂರು ನಲ್ಲಿ ಒಂದಷ್ಟು ಸ್ಯಾಡಿಸ್ಟ್ ಮನಸ್ಥಿತಿಯ ಜನರಿದ್ದಾರೆ,ತಮ್ಮ ಮನೆಯ ನಾಯಿಯನ್ನ ವಾಕಿಂಗ್ ಕರೆದು ತಂದು ಇನ್ನೊಬ್ಬರ ಮನೆಯ ಗೇಟ್ ಮುಂದೆ, ಮಧ್ಯ ಪುಟ್ ಪಾತ್ ನಲ್ಲಿ,ಮಧ್ಯ ರಸ್ತೆಯಲ್ಲಿ ಮೂತ್ರ,ಮಲ ವಿಸರ್ಜನೆ ಮಾಡಿಸಿ..ಅದು ನನ್ನ ಹಕ್ಕು ಅಂತ ಸ್ಟೈಲ್ ಆಗಿ ಹೋಗೋರು..

ಅಷ್ಟು ಕಾಮನ್ ಸೆನ್ಸ್ ಇಲ್ಲದವರಿಗೆ ಆ ಪಾಪದ ಪ್ರಾಣಿಗಳನ್ನ ಸಾಕುವ ಯೋಗ್ಯತೆ ಏನಿರುತ್ತೆ?ಹಾಗೆ ಕೆಲವು ಮಹಾನ್ ಮಾನವತಾವಾದಿ ಜನಗಳು,ಹಲವು ವಯಸ್ಸಾದ ನಾಯಿಗಳು,ಹೆಣ್ಣು ನಾಯಿಗಳನ್ನ,ಮರಿಗಳನ್ನ,ಎಲ್ಲೋ ಉದ್ಯಾನವನ,ಕಾಲಿ ಸೈಟ್ ಅಥವಾ ಯಾರ ಮನೆಯದೋ ಕಾಂಪೌಂಡ್ ವಾಲ್ ಹತ್ತಿರ ಬಿಟ್ಟು ಹೋಗಿರೋದು ನೋಡಿರ್ತೀರಿ..

ಇಂತಹಾ ಅಸಹ್ಯತನಕ್ಕೆ ಆ ಪ್ರಾಣಿ ಸಾಕೋ ಶೋಕಿ ಯಾಕೆ ಬೇಕು??

ಪ್ರಾಣಿಗಳು ಅಂದರೆ ಎಲ್ಲಾ ಒಂದೇ ಅಲ್ವಾ..ಅವನ್ನ ಶೋಷಣೆ ಮಾಡೋಕೆ,ಹಿಂಸೆ ಮಾಡೋಕೆ ನಮಗೇನು ಹಕ್ಕಿರುತ್ತೆ?

ಯು.ಕೆ ಯಲ್ಲಿ

ನಾಯಿ ಮಾಡಿದ ಮಲವಿಸರ್ಜನೆ ಅದರ ಮಾಲೀಕ ತೆಗೆದು ನಿರ್ದಿಷ್ಟ ಡಬ್ಬಿಗಳಿಗೆ ಕಡ್ಡಾಯವಾಗಿ ಹಾಕತಕ್ಕದ್ದು..

ತಪ್ಪಿದರೆ..

£1000 ದವರಿಗೆ(ಸುಮಾರು ಹತ್ತಿರ ಹತ್ತಿರ 1ಲಕ್ಷ ರೂಪಾಯಿ)ದಂಡ..

ಹಾಗೂ ನಾಯಿಗಳನ್ನ ಸಾಕಲು ಆಯಾ ಸ್ಥಳೀಯ ಆಡಳಿತದವತಿಯಿಂದ ಪರ್ಮಿಶನ್ ತೆಗೆದು ಕೊಳ್ಳೋದು ಕಡ್ಡಾಯ..

ಹಾಗಾಗಿ ಇಲ್ಲಿ ಬೀದಿ ನಾಯಿಗಳ ಕಾಟ ಅಥವಾ ಅವುಗಳು ಜೀವನಕ್ಕಾಗಿ ಅಲೆದಾಡುವ ಪರಿಸ್ಥಿತಿ ಉದ್ಭವ ಆಗುವುದಿಲ್ಲ..

ಹಾಗೆ ನಾಯಿಗಳ ಸಂರಕ್ಷಣೆ ಹಾಗೂ ಸಾಕಾಣಿಕ ಕೇಂದ್ರಗಳು ಕೂಡ ಇಲ್ಲಿವೆ..

ನಾಯಿಗಳನ್ನ ಸಾಕಿ..ಬೇಸರವಾದಾಗ ರಸ್ತೆಗೆ ಬಿಡುವ ದರಿದ್ರ ಮನಸ್ಥಿತಿಯವರು ಇಲ್ಲಿ ಬಹಳ ಕಡಿಮೆ..

ಹಾಗಿದ್ದವರು ಇದ್ದರೂ,ಸರ್ಕಾರ ಕಠಿಣ ಕಾನೂನು ಕೈಗೊಳ್ಳುವ ಭಯವಿದೆ ಅವರಲ್ಲಿ..

ಈ ರೀತಿಯ ಡಬ್ಬಿಗಳನ್ನ ಪ್ರತಿ ಸಾರ್ವಜನಿಕ ಸ್ಥಳದಲ್ಲಿ ಉದ್ಯಾನವನಗಳಲ್ಲಿ ಇಟ್ಟಿರುತ್ತಾರೆ..👇

ಗ್ರೆಟ್ನಾ ಗ್ರೀನ್

ಮೊದಲೆಲ್ಲಾ..

ಯಾರೋ ಓಡಿ ಹೋಗಿ ಅಲ್ಲಿ ಮದುವೆಯಾದರಂತೆ,

ಅವಳು ಇನ್ನು ಮೈನರ್ ಅಂತ ಅವಳನ್ನ18 ವರ್ಷವಾಗುವವರೆಗೆ ಮುಚ್ಚಿಟ್ಟಿದ್ದರಂತೆ,

ನಂತರ ರಿಜಿಸ್ಟರ್ ಆದರಂತೆ,

ರಿಜಿಸ್ಟರ್ ಆಫೀಸ್ ಎದುರು ಹೆಸರು ಹಾಕ್ತಾರಂತೆ,ಯಾರಾದರೂ ಅಬ್ಜಕ್ಸನ್ ಹಾಕೋರು ಹಾಕಬಹುದಂತೆ,ಎಲ್ಲೋ ದೇವಸ್ಥಾನದಲ್ಲಿ ಮದುವೆಯಾದರಂತೆ,

ಅಲ್ಲಿ ಪುರೋಹಿತರು ಮದುವೆಯ ಬಗ್ಗೆ ಲೆಟರ್ ಹೆಡ್ ನಲ್ಲಿ ಬರೆದು ಕೊಟ್ಟರಂತೆ,ಅಂತೆಲ್ಲಾ,ಬೇರೆ ಬೇರೆ ತರದ ಕತೆ ಗಳನ್ನ,

ಹಿಂಗೆಲ್ಲಾ ಇರುತ್ತಾ ಆಶ್ಚರ್ಯದಿಂದ ಕೇಳಿಸಿ ಕೊಳ್ಳುತ್ತಾ ಇದ್ದೆವು..!

ಇಂಗ್ಲೆಂಡ್(𝗘𝗻𝗴𝗹𝗮𝗻𝗱)ಗಡಿ(Border) ಭಾಗದಲ್ಲಿ ಸ್ಕಾಟ್ಲೆಂಡ್(𝗦𝗰𝗼𝘁𝗹𝗮𝗻𝗱) ದೇಶಕ್ಕೆ ಸೇರಿರುವ ಒಂದು ಬಹಳ ಜನಪ್ರಿಯ ಜಾಗವಿದೆ..!

ಅದರ ಹೆಸರು 

"ಗ್ರೆಟ್ನಾ ಗ್ರೀನ್"

𝗚𝗿𝗲𝘁𝗻𝗮 𝗚𝗿𝗲𝗲𝗻...

ಈ ಜಾಗ ಸಾರ್ಕ್ ನದಿಯ ಹತ್ತಿರವೇ ಇದೆ..

ಲಂಡನ್(𝗟𝗼𝗻𝗱𝗼𝗻) ನಿಂದ ಸುಮಾರು 5.30ಗಂಟೆ  326 ಮೈಲಿ ರಸ್ತೆಯಲ್ಲಿ ಕ್ರಮಿಸಿದರೆ,ಎಡಿನ್ ಬರೋ(𝗘𝗱𝗶𝗻𝗯𝘂𝗿𝗴𝗵,𝗦𝗰𝗼𝘁𝗹𝗮𝗻𝗱) ಹೋಗುವ ದಾರಿಯ ಮಧ್ಯದಲ್ಲಿ,ಈ ಜಾಗವಿದೆ...

ಇಂಗ್ಲೆಂಡ್ ನಲ್ಲಿ 𝟭𝟳𝟱𝟰 ನೇ ಇಸವಿಯಲ್ಲಿ, ಲಾರ್ಡ್ ಹಾರ್ಡ್ರ್ವಿಕ್ ಮ್ಯಾರೇಜ್(𝗟𝗼𝗿𝗱 𝗵𝗮𝗿𝗱𝘃𝗶𝗰𝗸𝘀 𝗺𝗮𝗿𝗿𝗶𝗮𝗴𝗲 𝗮𝗰𝘁) ಆಕ್ಟ್ ಜಾರಿಗೆ ಬಂದಿತ್ತು..

ಈ ಕಾಯ್ದೆಯ ಪ್ರಕಾರ..

ಇಂಗ್ಲೆಂಡ್(𝗘𝗻𝗴𝗹𝗮𝗻𝗱)ಮತ್ತು ವೇಲ್ಸ್(𝗪𝗮𝗹𝗲𝘀) ನ ಪ್ರಜೆಗಳು,

21 ವರ್ಷದ ಒಳಗಿನವರು ಪ್ರೀತಿಸಿ,

ಪೋಷಕರ ಸಮ್ಮತಿ ಇಲ್ಲದೇ ಮದುವೆ ಆಗುವ ಹಾಗಿರಲಿಲ್ಲ..!

ಅದು ಕಾನೂನು ವಿರೋಧಿ,

ಇದನ್ನ ಧಿಕ್ಕರಿಸಿ ಪ್ರೇಮಿಗಳು ಮದುವೆ ಆದರೂ ಕಾನೂನು ಕ್ರಮಕ್ಕೆ ಒಳಗಾಗುವ ಭೀತಿ ಎದುರಿಸ ಬೇಕಾಗಿತ್ತು..!

ಆದರೆ ಸ್ಕಾಟ್ಲೆಂಡ್ ನಲ್ಲಿ 14 ಮತ್ತೆ 12 ವರ್ಷದವ್ರು ಕೂಡ ಮದುವೆಯಾಗ ಬಹುದಿತ್ತು,ಇದರ ವಿರುದ್ಧವಾಗಿ ಇಂಗ್ಲೆಂಡ(𝗘𝗻𝗴𝗹𝗮𝗻𝗱) ಹಾಗೂ ವೇಲ್ಸ್(𝗪𝗮𝗹𝗲𝘀)ನಲ್ಲಿ ಕಾನೂನು ರೂಪಿಸಲಾಗಿತ್ತು..!

😊

ಹಾಗಾಗಿ 21 ವರ್ಷ ವಯಸ್ಸಿನ ಒಳಗಿನ ಪ್ರೇಮಿಗಳ ಮದುವೆಯನ್ನ,ಪೋಷಕರ ವಿರೋಧ ಮಾಡಿದ ಸಂಧರ್ಭ ದಲ್ಲಿ ಕೂಡಲೇ ಓಡಿ ಇಂಗ್ಲೆಂಡ್ ಹಾಗೂ ಸ್ಕಾಟ್ಲೆಂಡ್ ಗಡಿಯಲ್ಲಿ ಇರುವ ಹಾಗೂ ಸ್ಕಾಟ್ಲೆಂಡ್ ದೇಶಕ್ಕೆ ಸೇರಿರುವ ಗ್ರೆಟ್ನಾ ಗ್ರೀನ್(𝗚𝗿𝗲𝘁𝗻𝗮 𝗚𝗿𝗲𝗲𝗻) ಎಂಬ ಸಣ್ಣ ಹಳ್ಳಿಗೆ ಹೋಗುತ್ತಿದ್ದರು!

ಅಲ್ಲಿ ಮೊದಲು ಸಿಗುತ್ತಾ ಇದ್ದದ್ದೇ ಆಗ ಬಹಳ ಜನಪ್ರಿಯವಾಗಿದ್ದ ಬ್ಲಾಕ್ ಸ್ಮಿತ್ ಅಂಗಡಿ..(𝗕𝗹𝗮𝗰𝗸𝘀𝗺𝗶𝘁𝗵 𝘀𝗵𝗼𝗽)

ಇಂಗ್ಲೆಂಡ್,ವೇಲ್ಸ್ ಹಾಗೂ ಸ್ಕಾಟ್ಲೆಂಡ್(𝗦𝗰𝗼𝘁𝗹𝗮𝗻𝗱) ಬೇರೆ ಬೇರೆ ದೇಶ ಆದರೂ ಅಲ್ಲಿನ ಪ್ರಜೆಗಳಿಗೆ ಹಾಗೂ ಇಂಗ್ಲೆಂಡ್ ವೀಸಾ ಹೊಂದಿದವರಿಗೆ ನೇರ ಪ್ರವೇಶ ವಿದೆ..

ಬಾರ್ಡರ್ ನಲ್ಲಿ,ಯಾವುದೇ ದಾಖಲೆ,ಪರಿಶೀಲನೆ ಇರುವುದಿಲ್ಲ...

ಈ ಬ್ಲಾಕ್ ಸ್ಮಿತ್ ಶಾಪ್ ಹಲವು ವರ್ಷಗಳಿಂದ 𝗥𝘂𝗻 𝗮𝘄𝗮𝘆 𝗺𝗮𝗿𝗿𝗶𝗮𝗴𝗲 ಗೆ ಬಹಳ ಜನಪ್ರಿಯ ಹಾಗೂ ಪ್ರಶಸ್ತವಾಗಿತ್ತು,ಲಂಡನ್ ಹಾಗೂ ಇನ್ನಿತರೆ ಪ್ರದೇಶಕ್ಕೆ ಹತ್ತಿರವೇ ಇತ್ತು..

ಹಾಗಾಗಿ ಈ ಗ್ರೆಟ್ನಾ ಗ್ರೀನ್ ಓಡಿ ಬಂದು ಮದುವೆ ಆಗುವವರಿಗೆ ಒಂತರಾ ಹಾಟ್ ಸ್ಪಾಟ್ ಆಗಿತ್ತು..😊

ಸ್ಕಾಟಿಷ್ ಲಾ(𝗦𝗰𝗼𝘁𝗶𝘀𝗵 𝗹𝗮𝘄)ಪ್ರಕಾರ,ಓಡಿ ಬಂದು ಮದುವೆ ಆಗುವವರಿಗೆ(𝗜𝗿𝗿𝗲𝗴𝘂𝗹𝗮𝗿 𝗺𝗮𝗿𝗿𝗶𝗮𝗴𝗲),ಇಬ್ಬರು ಸಾಕ್ಷಿಗೆ ಇದ್ದರೆ ಯಾರಾದರೂ ಮದುವೆಯನ್ನು ನೆರವೇರಿಸಬಹುದಿತ್ತು..!

ಅಲ್ಲಿನ ಬ್ಲಾಕ್ ಸ್ಮಿತ್ ಶಾಪ್ ನ ರಿಚರ್ಡ್ ರೇನಿಸನ್(𝗥𝗶𝗰𝗵𝗼𝗿𝗱 𝗥𝗲𝗻𝗻𝗶𝘀𝗼𝗻) ಎನ್ನುವವರು ಒಂತರಾ ಖಾಯಂ ಪುರೋಹಿತರಾಗಿದ್ದರು,

ಆ ಶಾಪ್ನಲ್ಲಿ ಸುಮಾರು 

𝟱𝟭𝟰𝟳 ಕ್ಕೂ ಹೆಚ್ಚು ಮದುವೆಯನ್ನ ಅವರು ನೆರವೇರಿಸಿದ್ದರು..ಎಂದರೆ ನೀವು ನಂಬಲೇ ಬೇಕು..!

ಎಂದರೆ 

ಮದುವೆ ಆದವರು ಹಲವು ವರ್ಷವಾದ ನಂತರ, ಓಹ್...ಹಳ್ಳಕ್ಕೆ ಬಿದ್ದೆ,

ಓಡಿ ಬಂದಾಗ ಬುದ್ದಿ ಹೇಳಿ ಕಳುಹಿಸೋದು ಬಿಟ್ಟು, ಮದುವೆ ಮಾಡಿಸಿ ಕುರಿ ಮಾಡಿದ ಅಂತ ಅವನನ್ನ ಹುಲಿ ಹಿಡಿಯಾ ಅಂತ ಕೆಲವು ಜೋಡಿ ಎಷ್ಟು ರಿಚರ್ಡ್ಗೆ ಶಾಪ ಹೊಡೆದಿದ್ದಾರೋ ಏನೋ ನೀವೇ ಊಹಿಸಿ..!😂

𝟭𝟳𝟭𝟯 ರಲ್ಲಿ ಈ ಕಟ್ಟಡ ಕಟ್ಟಲಾಗಿದೆಯಂತೆ

ಈಗಲೂ ಇದು ಪ್ರವಾಸಿಗರ ಅಚ್ಚುಮೆಚ್ಚಿನ 5ಸ್ಟಾರ್ ರೇಟಿಂಗ್ ತಾಣ..𝗚𝗿𝗲𝘁𝗻𝗮 𝗚𝗿𝗲𝗲𝗻

ಯುಕೆಯ

ಬಹಳ ಜನಪ್ರಿಯ ಮದುವೆಯ ಹಾಲ್ ಕೂಡಾ ಹೌದು ಎನ್ನಲಾಗಿದೆ..

ಈಗಲೂ ಹಲವರು ಬಂದು ಇಲ್ಲಿ ಮದುವೆಯಾಗುವುದು ಇದೆಯಂತೆ..

ಆದರೆ ಒಂದು ಕಹಿ ಘಟನೆಯೂ ಇದೆ..

ಇದೇ ಗ್ರೆಟ್ನಾ ಗ್ರೀನ್ 𝗚𝗿𝗲𝘁𝗻𝗮 𝗚𝗿𝗲𝗲𝗻ಬಳಿ ಲಂಡನ್ ನಿಂದ ಎಡಿನ್ ಬರೋ ಹೋಗುವ ರೈಲ್ವೆ ಮಾರ್ಗದಲ್ಲಿ 𝟭𝟵𝟭𝟱 ರಲ್ಲಿ ಅತ್ಯಂತ ಭೀಕರ ಹಾಗೂ ಬ್ರಿಟಿಷ್ ಇತಿಹಾಸದಲ್ಲಿ ಕೇಳರಿಯದ ದೊಡ್ಡ ರೈಲ್ವೇ ಅಪಘಾತ ನಡೆದು ಸುಮಾರು 𝟮𝟬𝟲 ಕ್ಕೂ ಹೆಚ್ಚು ಜನ ಮೃತ ಪಟ್ಟಿದ್ದರಂತೆ,

ಇದಕ್ಕೆ 𝗤𝘂𝗶𝗻𝘁𝗶𝘀𝗵𝗵𝗶𝗹𝗹 𝗿𝗮𝗶𝗹𝘄𝗮𝘆 𝗱𝗶𝘀𝗮𝘀𝘁𝗲𝗿 ಎನ್ನಲಾಗಿದೆ..

ಇದೊಳ್ಳೆ ಐಡಿಯಾ ಅಂತ,

ನಾವೂ ಓಡಿ ಹೋಗಿ ಅಲ್ಲಿ ಮದುವೆ ಅಗಬಹುದಾ ಅಂತ ಯಾರಾದ್ರೂ ಲೆಕ್ಕಾ ಹಾಕ್ತಾ ಇದ್ರೆ..

ನೀವು ಅಷ್ಟು ದೂರ,ಅಲ್ಲಿವರೆಗೆ ಓಡಿ ಹೋಗುವ ಮಧ್ಯದಲ್ಲೇ ಸುಸ್ತಾಗಿ,ಜಗಳ ಶುರುವಾಗಿ ಮದುವೆನು ಬೇಡ,ಗ್ರೆಟ್ನಾ ಗ್ರೀನ್ ಗೋಲ್ಡ್ ಸ್ಮಿತ್ ಶಾಪ್ ಬೇಡ ಅಂತ ಅಲ್ಲೇ ಜ್ಞಾನೋದಯ ಆಗಿ ವಾಪಾಸ ಬರೋ ಚಾನ್ಸ್ ಜಾಸ್ತಿ ಇರುತ್ತ ಅಂತ ಅಲ್ವಾ.!!!.😂

ನಾನು ಈ ಸ್ಥಳದ ಬಳಿ

ಹೋಗುವಾಗ ಕತ್ತಲಾಗಿತ್ತು..

ಬರುವಾಗ ಬಾಗಿಲು ಮುಚ್ಚಲಾಗಿತ್ತು..!

ಹಾಗಾಗಿ ಒಳ ಪ್ರವೇಶ ಮಾಡಲಾಗಲಿಲ್ಲ,

ಫೋಟೋ ಕೂಡ ಕ್ಲಿಕ್ಕಿಸಲು ಸಾಧ್ಯವಾಗಿಲ್ಲ..

ಅನ್ನೋದು ಬೇಸರದ ಸಂಗತಿ...

ಆದರೆ ಗೂಗಲ್ ನಲ್ಲಿ ಸಿಕ್ಕ,ಈ ಸಂಗತಿಗೆ ಪೂರಕವಾದ ಕೆಲವು ಫೋಟೋ ಇಲ್ಲಿ ಲಗತ್ತಿಸಿದ್ದೇನೆ..

🙏

#ukdairy

ಬ್ಲಾಕ್ಸ್ ಸ್ಟೋರಿ

South East London ನಲ್ಲಿರುವ,ಸಮುದ್ರ ತೀರದ ಪಕ್ಕದ Brighton and Hove ಎಂಬ ಒಂದು ಸಣ್ಣ ಪಟ್ಟಣಕ್ಕೆ ಒಮ್ಮೆ ಹೋಗಿದ್ದೆವು...

ಸಮುದ್ರ ತೀರ,ಜನಜಂಗುಳಿ ಜಾಸ್ತಿ,ಹಲವು ಪ್ರವಾಸಿಗರು ಬೇಸಿಗೆಯಲ್ಲಿ ವಾರದ ಕೊನೆಯಲ್ಲಿ,ಇಲ್ಲಿ ಭೇಟಿ ಮಾಡಿ ಸಮಯ ಕಳೆಯೋದು ಸಾಮಾನ್ಯ..

ಸಮುದ್ರ ತೀರವು ಅಷ್ಟೇ ಸ್ವಚ್ಛ ಹಾಗೂ ಸುಂದರವಾಗಿ ಅಲ್ಲಿನ ಆಡಳಿತ ಮಂಡಳಿ ಇಟ್ಟಿರುತ್ತಾರೆ,ಇದಕ್ಕೆ ಸಾರ್ವಜನಿಕರು ಸಹಾಯವೂ ಇರುತ್ತದೆ ಅನ್ನೋದು ಉಲ್ಲೇಖ ಮಾಡಬೇಕಿಲ್ಲ ಬಿಡಿ..!

ಎಷ್ಟೇ ಮೋಜು ಮಸ್ತಿ ಮಾಡಿದರೂ ,ನಮ್ಮದೇ ಮನೆ ಎಂಬಂತೆ ಗಲೀಜು ಮಾಡದೇ ಇರುತ್ತಾರೆ...

ಈಗ ವಿಷಯಕ್ಕೆ ಬರೋಣ...

ಇಲ್ಲಿ ಸ್ವಲ್ಪ ಸಮಯ ಕಳೆದು,ನನ್ನ ವಾಸಸ್ಥಳಕ್ಕೆ ಹೊರಡಲು ಅಣಿಯಾಗಿ TFL station ಗೆ  ಸ್ವಲ್ಪ ದೂರ ನಡೆಯ ಬೇಕಾಗಿದ್ದರಿಂದ ಕಾಲ್ ನಡಿಗೆಯಲ್ಲಿ ಹೊರಟೆ,ದಾರಿ ಮಧ್ಯದಲ್ಲಿ ಒಂದು ಶಾಪಿಂಗ್ ಮಾಲ್ ಕಾಣಿಸ್ತು..

ಸ್ವಲ್ಪ ಹೊತ್ತು Window shopping ಮಾಡೋಣ ಅಂತ ಒಳ ನುಗ್ಗಿದೆವು...

ಬಹಳ ದೊಡ್ಡ ಮಾಲ್,ನಡೆದು ನಡೆದು ಸಾಕಾಗುವಷ್ಟು ದೊಡ್ಡ ಜಾಗ ಹಾಗೂ ತರಹೇವಾರಿ ಪ್ರಾಡಕ್ಟ್ಗಳ ಸೆಕ್ಷನ್..!

ಆದರೆ ಯು.ಕೆ ಹಾಗೂ ಹಲವು ದೇಶಗಳಲ್ಲಿ ಮಾಲ್ ಗಳ ಒಳಗೆ ನಿಮ್ಮ ಬ್ಯಾಗ್ ಅಥವಾ ಲ್ಯಾಪ್ಟಾಪ್ ಇನ್ಯಾವುದೇ ವಸ್ತುಗಳನ್ನ ಯಾವುದೇ ತಪಾಸಣೆ ಇಲ್ಲದೇ ಒಳ ಬಿಡುತ್ತಾರೆ..

ಹಾಗೂ ಬಿಲ್ಲಿಂಗ್ ಆದ ನಂತರ ಮುಖ್ಯ ದ್ವಾರದಿಂದ ಹೊರ ಹೋಗುವಾಗ ಅಲ್ಲಿರುವ ಯಾರೂ,ಹೆಚ್ಚಿನವರ  ಬಿಲ್ ಚೆಕ್ ಅಥವಾ ಬ್ಯಾಗ್ ಚೆಕ್ ಮಾಡುವ ಪದ್ಧತಿ ಇಲ್ಲ,

ಬಹಳ ಕಡಿಮೆ!

ಆದರೆ ಸಿಬ್ಬಂದಿ ಅಲ್ಲಿ ಎಲ್ಲೋ ಒಂದು ಕಡೆ ನಿಂತು ಎಲ್ಲಾ ಆಗು ಹೋಗುಗಳನ್ನ ಗಮನಿಸುತ್ತಾ ಇರುತ್ತಾರೆ...!

ಹೀಗೆ ಸ್ವಲ್ಪ ಸಮಯ ಮಾಲ್ ಒಳಗಡೆ ಆದಷ್ಟು ನೋಡಿ ಕಾಲು ಸೋತ ತಕ್ಷಣ,ಕೊನೆಗೆ ಏನೋ ಒಂದಷ್ಟು ತಗೊಂಡು ಬಿಲ್ಲಿಂಗ್ ಸೆಕ್ಷನ್ ಗೆ ಹೋಗಿ,ಬಿಲ್ ಮಾಡಿಸಿ ಇನ್ನೇನು ಹೊರ ಹೊರಡಬೇಕು,

ಅಷ್ಟರಲ್ಲಿ ಹೊರಹೋಗುವ ದ್ವಾರದಲ್ಲಿ ಯಾರೋ ಒಬ್ಬರು ಹೆಂಗಸು ಬಹಳ ದೊಡ್ಡ ದ್ವನಿಯಲ್ಲಿ ಕಿರುಚಾಡುತ್ತಾ ಇದ್ದಾರೆ..!

ಅವರ ಜೊತೆ ನಾಲ್ಕು ಜನ ಮಧ್ಯ ವಯಸ್ಸು ಹಾಗೂ 2 ಟೀನ್ ಏಜ್ ಹುಡುಗಿಯರು ಇದ್ದಾರೆ..

ಅವರೆಲ್ಲರ ಕೈಯಲ್ಲಿ ಸುಮಾರು ಬ್ಯಾಗ್ ಗಳು ಇವೆ..!

ಅಲ್ಲಿರುವ ಸಿಬ್ಬಂದಿಗೆ ಬಾಯಿಗೆ ಬಂದ ಹಾಗೆ ಬಹಳ ಕೆಟ್ಟ ಶಬ್ದದಲ್ಲಿ ನಿಂದಿಸುತ್ತಾ ಇದಾರೆ ಒಬ್ಬರು ಮಹಿಳೆ..!

ಏನು ವಿಷಯ ಸ್ಪಷ್ಟವಾಗಿ ತಿಳಿಯುತ್ತಾ ಇರಲಿಲ್ಲ..

ನಮ್ಮೂರಲೆಲ್ಲಾ, ಏನಾದ್ರೂ ಗಲಾಟೆ ನಡೆದರೆ ಕುತೂಹಲದಿಂದ ನಿಂತು ನೋಡಿ ಏನು ಗಲಾಟೆ ಅಂತ ಕ್ಲಾರಿಫಿಕೇಶನ್ ಸಿಗದೇ ಹೋದಾಗ ಎಷ್ಟು ತಳಮಳ,ಬೇಸರ,ಮನೆಗೆ ಹೋದರೂ ಚೆ..ಚೆ..ಎಂತಾ ಗಲಾಟೆ ಮಿಸ್ ಮಾಡಿಕೊಂಡೆ,ಏನು ವಿಷಯವೋ ಏನೋ ಅಂತ ಮಮ್ಮಲ ಮರುಗುವ ಹಾಗೆ ಅಗಬಾರದಲ್ಲ ಅಂತ ಸ್ವಲ್ಪ ಹೊತ್ತು ಅಲ್ಲೇ ಕೇಳಿಸಿ ಕೊಳ್ಳುತ್ತಾ ನಿಂತೆ..!😂😛

ಆ ಮಹಿಳೆ ಹೇಳೋದು,

"ನಾನು ಬ್ಲಾಕ್ ಅಂತ ನಮ್ಮನ್ನ ಕಳ್ಳರ ತರ ನೋಡ್ತಾ ಇದಿಯಾ?

ನಾನೇನು ಕಳ್ಳಿನ,ನಾನು ಬಿಲ್,ಪ್ರಾಡಕ್ಟ್ ಏನು ತೋರಿಸಲ್ಲ,ಏನು ಮಾಡಿಕೊಳ್ತೀಯಾ ಮಾಡಿಕೋ @#$&%!^$* ಅಂತ ಸಭ್ಯ ಪದ ಬಳಸಿ Unlimited (Jio pack ಪ್ಯಾಕ್ ಇರಬೇಕು😂) ಕೂಗುತ್ತಲೇ ಇದ್ದರು..!

ಆದರೆ ಆ ತಪಾಸಣಾ ಸಿಬ್ಬಂದಿ,

"ನಾನೆಲ್ಲಿ ನಿಮ್ಮನ್ನ ಬ್ಲಾಕ್ನವರು ಕಳ್ಳರು ಅಂತ ಅಂದೆ,ನಿಮ್ಮ ಬಿಲ್ ಹಾಗೂ ಪ್ರಾಡಕ್ಟ್ ತೋರಿಸಿ ಅಂತ ಮಾತ್ರ ಕೇಳಿದ್ದು"

ಅಂತ ಬಹಳ ವಿನಮ್ರನಾಗಿ ಹೇಳುತ್ತಾ ಇದ್ದರು..

ಆಕೆ ಅಷ್ಟು ಕೂಗಿದರೂ,ಬೈದರೂ ಅವರು ಸಭ್ಯವಾಗಿ ಹೇಳುತ್ತಾ ಇದ್ದರು..!

ಕೊನೆಗೆ ಅವರು ಇವರ ರಂಪಾಟ,ಬೈಗುಳದ ಪದ ಪುಂಜ, ಕೇಳಿಸಿ ಕೊಳ್ಳೋಕೆ ಆಗದೇ,ಕಂಟ್ರೋಲ್ ಮಾಡಲು ಆಗದೆ ಮ್ಯಾನೇಜರ್ ನ್ನ ಕರೆಸಿದರು..!

ಆ ಮ್ಯಾನೇಜರ್ ಬಂದಾಗಲೂ ಮತ್ತದೇ ಕತೆ ಶುರು..

"ನಮ್ಮನ್ನ ಅವಮಾನ ಮಾಡ್ತಾ ಇದೀರಾ?ತುಳಿತಾ ಇದೀರಾ!?

ನಾವು ಬ್ಲಾಕ್ ಮಹಿಳೆ ಅಂತ ಹೀಗೆ ನಡೆಸಿ ಕೊಳ್ಳೋದಾ",oppress,Racism, Ethnicity,Blacks,African,white,Discrimination,women,ಹೀಗೆ ಏನೇನೋ ಶಬ್ದ ಬಳಸುತ್ತಾ,ನಮಗೆ ಬೆಲೆ ಇಲ್ಲವೇ ಅಂತ ಏನೇನೋ.. 

ಕೂಗಾಟ ಶುರು..

ಮ್ಯಾನೇಜರ್, 

"ಒಂದು ನಿಮಿಷ ನನ್ನ ಮಾತು ಕೇಳಿ

ಮ್ಯಾಮ್,ನೀವು ನಮ್ಮ ಶಾಪಿಂಗ್ ಮಾಲ್ ಒಳಗೆ ಬಂದಿದ್ದೀರಿ, ಏನಾದರೂ ಖರೀದಿಸಿದ್ದರೆ ದಯಮಾಡಿ,ಬಿಲ್ ತೋರಿಸಿ ಪ್ರಾಡಕ್ಟ್ ತೋರಿಸಿ ಹೋಗಿ..

ಅಷ್ಟೇ ನಮ್ಮ ಸಿಬ್ಬಂದಿ ಕೇಳುತ್ತಾ ಇರೋದು..

ಇಲ್ಲಿ ಬ್ಲಾಕ್,ವೈಟ್,ಮಹಿಳೆ,ರೇಸಿಸಂ,ಎತ್ನಿಸಿಟಿ,ಒಪ್ರೆಸ್,ಆಫ್ರಿಕಾ,ಇಂಗ್ಲೆಂಡ್ ಎಲ್ಲಾ ಏನಿಲ್ಲ...

ಸುಮ್ಮನೆ ಈ ರೀತಿಯ ಮಾತು ಆಡಬಾರದು ಸರಿ ಅಲ್ಲ..

ಜನಾಂಗದ ನಿಂದನೆ ನಾವು ಮಾಡಿಲ್ಲ..

ದಯ ಮಾಡಿ ಅರ್ಥ ಮಾಡಿಕೊಳ್ಳಿ"

ಅಂತ ವಿನಯದಿಂದಲೇ ವಿನಂತಿಸಿ ಕೊಂಡರು..

ಅದನ್ನೂ ಕೇಳದೆ ಬಹಳ ಜಾಸ್ತಿ ಕೂಗಾಟ ಹಾಗೂ ಅನುಮಾನ ಬರುವ ವರ್ತನೆ ತೋರಿಸೋಕೆ ಶುರು ಮಾಡಿದ್ರು ಆ ಮಹಿಳೆ..

ಆದ್ರೆ ಜೊತೆ ಇರುವ ಮಹಿಳೆಯರು ಮಾತ್ರ ಏನೂ ಮಾತನಾಡದೇ ಸುಮ್ಮನೆ ನಿಂತಿದ್ದರು..!

ಕೂಡಲೇ..

ಮ್ಯಾನೇಜರ್,

"ಸರಿ ಹಾಗಾದ್ರೆ ನಾವು,ನೀವು ಸುಮ್ಮನೆ ಗಲಾಟೆ ಎಬ್ಬಿಸಿ,ಬೇರೆಯವರಿಗೆ ತೊಂದರೆ ಕೊಡುತ್ತಾ ಇದೀರಿ ಅಂತ ಪೊಲೀಸ್ ಗೆ ಮಾಹಿತಿ ಕೊಡುತ್ತೇವೆ"

ಅಂದರು..

ಹಾಗೆ ಹೇಳಿದ್ದೇ ತಡ ಮಹಿಳೆಯ ವೀರಾವೇಶದ ಮಾತು ಹಾಗೂ ವರ್ತನೆ ಕೂಡಲೇ ಬದಲಾಯ್ತು..!

"ಅಲ್ಲ ಕೆಲವು ಬಿಲ್ ಮಾಡಿಸೋಕೆ ಅಂತ ತಗೊಂಡು ಹೋಗಿದ್ವಿ ಮರೆತು ಹೋಯ್ತು ಈಗ ಮಾಡಿಸ್ತೀವೆ"

ಅಂತ ಏನೇನೋ ಲಿಂಕ್ ಲೆಸ್ ಸಮಜಾಯಶಿ ಶುರು ವಾಯ್ತು..

ಆ ಸಿಬ್ಬಂದಿ

ಬ್ಯಾಗ್ ಓಪನ್ ಮಾಡಿ ನೋಡಿದರೆ..

ಒಂದೆರಡಲ್ಲ,ಹಲವು ಬ್ರಾಂಡೆಡ್ ಉಡುಪು ಹಾಗೂ ಒಳ ಉಡುಪು ಸೌಂದರ್ಯ ವರ್ಧಕಗಳು ಇದ್ದವು..!

ಕೊನೆಗೆ ಆಕೆ "Sorry" ಕೇಳಿದರು,ಆಮೇಲೆ ಮ್ಯಾನೇಜರ್ ಬುದ್ದಿ ಹೇಳಿ,ಅದಕ್ಕೆ ಬಿಲ್ ಕೊಟ್ಟು ತೆಗೆದು ಕೊಂಡು ಹೋಗಿ ಅಂದರು..

ಆಮೇಲೆ ಏನಾಯ್ತು ತಿಳಿಯಲಿಲ್ಲ,ನನ್ನ ಕುತೂಹಲದ ಹೊಟ್ಟೆ ತಕ್ಕ ಮಟ್ಟಿಗೆ ತಣಿದಿದ್ದ ಕಾರಣ ನಾನು ಅಲ್ಲಿಂದ ಜಾಗ ಖಾಲಿ ಮಾಡಿದ್ದೆ...😂😂😂😂😂

ಈ ವಿಷಯ ಯಾಕೆ ಪ್ರಸ್ತಾಪಿಸಿದೆ ಅಂದರೆ..

ಕೆಲವರು ತಾವು ಗೊತ್ತಿದ್ದೂ ಬೇಕಂತಲೇ ಮಾಡಿದ, ಸ್ವಹಿತಾಸಕ್ತಿ,ಅಪರಾಧ ಹಾಗೂ ತಪ್ಪಿಗೆ,ಜನಾಂಗ,

ಜಾತಿ,ಧರ್ಮ,ಬಣ್ಣ,ಊರು,ಲಿಂಗ,ಭಾಷೆ,ಇನ್ಯಾರೋ ಜನಪ್ರಿಯ ವ್ಯಕ್ತಿ, ಇದನ್ನೆಲ್ಲಾ ಗುರಾಣಿಯಾಗಿ ಉಪಯೋಗಿಸಿ ನಾವು ಮಾಡಿದ್ದು ಸರಿ ಅಂತ ಸಾಧಿಸಲು ನಿಂತು ಬಿಡ್ತಾರೆ..!

ಇದು ಎಷ್ಟರ ಮಟ್ಟಿಗೆ ಸರಿ..!?

ಹೀಗೆ ಕೆಲವರು ಮಾಡುವ ಅನಾಚಾರಕ್ಕೆ ಇಡೀ ಸಮುದಾಯವೇ ಸರಿ ಇಲ್ಲ ಎನ್ನುವ ಮನಸ್ಥಿತಿ ಜನರ ಮನಸಲ್ಲಿ ಕ್ರಿಯೇಟ್ ಆಗುತ್ತೆ ಅನ್ನುವ ಸಾಮಾನ್ಯ ಜ್ಞಾನ ಇಂತವರಿಗೆ ಬೇಕಲ್ಲವೇ..!?

ಯಾರೇ ಆದರೂ 

ಬಣ್ಣ,ಜಾತಿ,ಧರ್ಮ,ಊರು,ಜನಾಂಗ,ಆರ್ಥಿಕ ಸ್ಥಿತಿ,ಭಾಷೆ, ಹೀಗೇ ಇರಬೇಕು,ಇದೇ ನಮಗೆ ಬೇಕು ಅಂತ ಮೊದಲೇ ಅಪ್ಲಿಕೇಶನ್ ಹಾಕಿಕೊಂಡು ಅಲ್ಲಿ ಹುಟ್ಟಲು ಸಾಧ್ಯವೇ..!?

ನಮ್ಮ ಸಂಸ್ಕಾರ,ವರ್ತನೆ,ಸಭ್ಯತೆ,ಮುಖ್ಯವಾಗುತ್ತದೆಯೇ ಹೊರತು..

ಬಣ್ಣ ಮತ್ತೊಂದು ಅಲ್ಲ...ಅಲ್ವಾ!?

ಎಲ್ಲೇ ಇದ್ದರೂ ಇನ್ನೊಬ್ಬರಿಗೆ ಅನ್ಯಾಯ,ಮೋಸ,ತೊಂದರೆ,ನೋವು,ಮಾಡದೇ,ನಮ್ಮ ನಮ್ಮ ಕೆಲಸ ನಿಯತ್ತಾಗಿ,ಶ್ರದ್ಧೆಯಿಂದ ಮಾಡಿಕೊಂಡು,ಬದುಕಿದರೆ ಅದೇ ನೆಮ್ಮದಿ ಹಾಗೂ ಸಾರ್ಥಕದ ಜೀವನ..

ಅದೇ ನಾವು ಸಾಮಾಜಕ್ಕೆ ಮಾಡುವ ಉಪಕಾರ, ಅಷ್ಟೇ ಸಾಕು..!

ಕೆಲವರಂತೆ,ಸೇವೆ ಮಾಡ್ತೇನೆ,ಅದೇನೋ ಉಳಿಸೋದು,ಇದೇನೋ ಉಳಿಸೋದು ಅಂತ ನಾಟಕ ಮಾಡಿಕೊಂಡು ಮೋಸ ಮಾಡೋದು ಎಲ್ಲಾ ಬೇಕಿಲ್ಲ

ಅಲ್ವಾ?

Scott monument

ನೀವು,

ರಾಜಕಾರಣಿಗಳಿಗೆ,ನಟರಿಗೆ,ಇನ್ನಿತರೆ ಕ್ಷೇತ್ರದ ಸಾಧಕರಿಗೆ ದೊಡ್ಡ ದೊಡ್ಡ ಸ್ಮಾರಕ ಕಟ್ಟಿರೋದು ನೋಡಿರುತ್ತೀರಿ..

ಅದರೆ,ಲೇಖಕರಿಗೆ,ಸಾಹಿತಿಗಳಿಗೆ ದೊಡ್ಡ ಸ್ಮಾರಕ ಕಟ್ಟೋದು ಬಹಳ ಕಡಿಮೆ..!

ಆದರೆ 

ಈ ಸ್ಮಾರಕ ಬಹಳ ಹಿಂದೆಯೇ ಜಗತ್ತಿನಲ್ಲಿ ಒಬ್ಬ

ಲೇಖಕನ ನೆನೆಪಿಗೆ ಎಂದು ಕಟ್ಟಿದ ಎರಡನೇ ಅತಿದೊಡ್ಡ ಸ್ಮಾರಕ ಎನ್ನಲಾಗಿದೆ..!

ಇದನ್ನ "ಸ್ಕಾಟ್ ಮಾನ್ಯುಮೆ0ಟ್" (Scott Monument) ಎನ್ನುತ್ತಾರೆ..

ಸ್ಕಾಟ್ಲ್ಯಾ0ಡ್ ನ,ಎಡಿನ್ ಬರೋ ಪಟ್ಟಣದ ಈಸ್ಟ್ ಪ್ರಿನ್ಸಸ್ ಸ್ಟ್ರೀಟ್ ಗಾರ್ಡನ್ ನಲ್ಲಿ ಈ ಸ್ಮಾರಕ ಕಟ್ಟಲಾಗಿದೆ,ಇದು Edinburgh waiberly railway station ಹತ್ತಿರ ಇದೆ,

ಆ ಲೇಖಕನ ಹೆಸರು "ಸರ್ ವಾಲ್ಟರ್ ಸ್ಕಾಟ್"

ಮೊದಲನೆಯ ಸ್ಮಾರಕ,ಕ್ಯೂಬಾ ದೇಶದ ಹವಾನದಲ್ಲಿ ಜೋಸ್ ಮಾರ್ಟಿ ಎಂಬ ಲೇಖಕರಿಗಾಗಿ ಕಟ್ಟಲಾಗಿದೆಯಂತೆ..!

1841 ವರ್ಷದಲ್ಲಿ ಪ್ರಾರಂಭವಾದ ಕಾಮಗಾರಿ 1845ರಲ್ಲಿ ಮುಗಿದು ಉದ್ಘಾಟನೆ ಆಗಿದ್ದು 1846 ಆಗಸ್ಟ್ ನಲ್ಲಿ,ಇದಕ್ಕೆ ತಗುಲಿದ ವೆಚ್ಚ ಸುಮಾರು 16154 Pound ಅಂದರೆ ಇಂದಿನ ರೂಪಾಯಿ ಪ್ರಕಾರ 1,50,232 ರೂ ಗಳು..

ಈ ಸ್ಮಾರಕದ ಎತ್ತರ ಸುಮಾರು 200 ಅಡಿ 6 ಇಂಚು..

ಇದರ ಮೇಲ್ಛಾವಣಿಯ ಭಾಗಕ್ಕೆ ತಲುಪಿ ಎಡಿನ್ ಬರೋ ಪಟ್ಟಣದ ಕೆಲವು ಪ್ರದೇಶವನ್ನ ನೋಡಲು  ಸ್ಪೈರಲ್ ಸ್ಟೇರ್ ಕೇಸ್ ನ ಸರಿ ಸುಮಾರು 288 ಮೆಟ್ಟಿಲು ಹತ್ತಬೇಕು,..

68 ಲೇಖಕರು,ಸಾಹಿತಿಗಳು,ಕವಿಗಳ ಇನ್ನಿತರರ ಮೂರ್ತಿ ಇದರಲ್ಲಿ ಕಾಣಸಿಗುತ್ತೆ,(ಇದರಲ್ಲಿ ಸ್ಕಾಟ್ ಹಾಗೂ ಆತನ ನಾಯಿ ಸೇರಿಲ್ಲ),ಅದರಲ್ಲಿ 64ಮೂರ್ತಿಗಳು ನೆಲಮಟ್ಟದಿಂದಲೇ ಕಾಣುತ್ತದೆ,ಇನ್ನುಳಿದ ನಾಲ್ಕು ಸ್ವಲ್ಪ ಮೇಲೆ ಇಡಲಾಗಿದೆ..

ಅದು ಬರಿಗಣ್ಣಿಗೆ ಕಾಣದ ಕಾರಣ ಟೆಲಿ ಫೋಟೋ ಅಥವಾ ಗ್ಯಾಲರಿಗೆ ಹೋಗಿ ನೋಡಬೇಕಾಗುತ್ತೆ..

😊

ಒಳ್ಳೆ ಕೆಲಸ

ಪ್ರಾಥಮಿಕ ಶಾಲೆಯಲ್ಲಿ ಒಳ್ಳೆಯ ಕೆಲಸ ಬರೆಯಬೇಕು ದಿನಾ ಅಂತ ಇರುತ್ತ ಇತ್ತು..!

ರಸ್ತೆಯ ಮಧ್ಯ ಇದ್ದ ಕಲ್ಲನ್ನು ಎತ್ತಿ ಪಕ್ಕಕ್ಕೆ ಎಸೆದೆನು..

ಅಜ್ಜಿಯನ್ನ ರಸ್ತೆ ದಾಟಿಸಿದೆನು..

ಅಮ್ಮನಿಗೆ,ಬಾವಿಯಿಂದ ನೀರು ಸೇದಿ ಮನೆಗೆ ತರಲು ಸಹಾಯ ಮಾಡಿದೆನು..

ಅಮ್ಮನಿಗೆ ಅಡಿಗೆಗೆ ಸಹಾಯ ಮಾಡಿದೆನು..

ದಾರಿಯ ಮಧ್ಯದಲ್ಲಿ ಬಿದ್ದಿದ್ದ ಮುಳ್ಳನ್ನ ಪಕ್ಕಕ್ಕೆ ಹಾಕಿದೆನು..

.....................Etc.....

ಹೀಗೆ ಹಲವು (ಸುಳ್ಳೆ ಕೆಲಸ)ಒಳ್ಳೆಯ ಕೆಲಸ ದಿನಾ ಬರೆದಿದ್ದೇ ಬರೆದು...😂😉

ದಿನಾ ರಸ್ತೆಯಲ್ಲಿ ಬಿದ್ದ ಅಷ್ಟು ಕಲ್ಲು ಎತ್ತಿ ಹಾಕಿ ಹಾಕಿ ಇಷ್ಟು ಹೊತ್ತಿಗೆ ಒಂದು G+2 building ಕಟ್ಟುವಷ್ಟು ಜಲ್ಲಿ ರಾಶಿ ಆಗಿರ್ತಾ ಇತ್ತು..!

ದಿನಾ ಅಜ್ಜಿಯನ್ನ ಅಷ್ಟು ಸರಿ ರಸ್ತೆ ದಾಟಿಸಿದ್ರೆ ಅಷ್ಟು ವರ್ಷಕ್ಕೆ ಅಜ್ಜಿ ಚೀನಾ ಬಾರ್ಡರ್ ದಾಟಿರ್ತಾ ಇದ್ರು..

ಅಮ್ಮನಿಗೆ ನೀರು ತಂದು ಕೊಟ್ಟು ಕೊಟ್ಟು ,ಅಷ್ಟು ವರ್ಷದಲ್ಲಿ,ಡ್ಯಾಮ್ ಕಟ್ಟಬಹುದಿತ್ತು,ಅಷ್ಟು ನೀರು ಕಲೆಕ್ಟ್ ಆಗಿರ್ತಾ ಇತ್ತು..

ಅಮ್ಮನಿಗೆ ಅಡುಗೆ ಸಹಾಯ ಮಾಡಿ ಮಾಡಿ..

ಅವರಿಗೆ ಅಡುಗೆನೇ ಮರೆತು ಹೋಗ್ತಾ ಇತ್ತು..

ಮುಳ್ಳನ್ನ ಪಕ್ಕಕ್ಕೆ ಹಾಕಿ ಹಾಕಿ,ಆ ಊರು ಮುಳ್ಳೇರಿಯಾ ಆಗಿರ್ತಾ ಇತ್ತು...

ಅಲ್ವಾ..!

ಬೆಳೆಯುವ ಸಿರಿ ಮೊಳಕೆಯಲ್ಲಿ..😂

ಹಾಗೆ

ಸುಳ್ಳು ಒಂದನೇ ಕ್ಲಾಸಿನಲ್ಲೇ..😛

ನೀವೆಲ್ಲಾ ಏನೇನು ಸುಳ್ಳೇ ಕೆಲಸ,ಥೋ ಒಳ್ಳೆ ಕೆಲಸ ಬರೆದಿದ್ರೋ ಏನೋ!?

😂

The Halifax Gibbet

ಇದನ್ನ The Halifax Gibbet ಎಂದು ಕರೆಯಲಾಗುತ್ತೆ,

16ನೇ ಶತಮಾನದಲ್ಲಿ,ಬ್ರಿಟನ್ನಲ್ಲಿ ವೆಸ್ಟ್ ಯಾರ್ಕ್ಶೈರ್(West Yorkshire)ನ Halifax ಎಂಬ ಸಣ್ಣ ಪೇಟೆಯಲ್ಲಿ ಸ್ಥಾಪಿಸಲಾಗಿತ್ತು..

Gibbet ಉಪಕರಣದ ವ್ಯವಸ್ಥೆಯನ್ನ ಮರಣದಂಡನೆ ಶಿಕ್ಷೆ ವಿಧಿಸಲು ಬಳಸಲಾಗುತ್ತಾ ಇತ್ತು..

(Lord of  manner)ಅಂದರೆ ಈ ಪ್ರದೇಶದ ಮುಖ್ಯಸ್ಥರು ಈ ರೀತಿಯ ಕಾನೂನು ಹಾಗೂ ಉಪಕರಣದ ವ್ಯವಸ್ಥೆಯನ್ನ ಜಾರಿಗೆ ತಂದಿದ್ದರು..!

Gibbet:-

4 ಅಡಿ ಎತ್ತರದ ಕಲ್ಲಿನ ಕಟ್ಟೆಯ ಮೇಲೆ,ಸುಮಾರು 15 ಅಡಿ ಎತ್ತರದ ಎರಡು ಮರದ ಕಂಬವನ್ನ ನೆಟ್ಟು,ಅದರ ಮೇಲೆ ಅಡ್ಡಲಾಗಿ ಮರದ ತುಂಡನ್ನ ಇಟ್ಟು,ಈ ಮರದ ತುಂಡಿನ ಮಧ್ಯ ಒಂದು ರಾಟೆಯನ್ನ ಅಳವಡಿಸಿ,ಆ ರಾಟೆಯ ಮೂಲಕ ಹಗ್ಗವನ್ನ ಹಾಕಿ ಅದಕ್ಕೆ ಕೊಡಲಿಯನ್ನ ಕಟ್ಟಿ ನೇತು ಹಾಕಿ,ಹಗ್ಗವನ್ನ ನೆಲದವರಗೆ ತಂದು ಆ ಹಗ್ಗಕ್ಕೆ ಒಂದು ಪಿನ್ ಅಳವಡಿಸಿ ಇಡಲಾಗುತ್ತಾ ಇತ್ತು,ಆ ಪಿನ್ ತೆಗೆದರೆ ಅಥವಾ ಹಗ್ಗವನ್ನ ಕತ್ತರಿಸಿದರೆ,ರಾಟೆಯ ಮೂಲಕ ಕೆಳಮುಖವಾಗಿರುವ ಕೊಡಲಿ ಅಥವಾ ಖಡ್ಗ,ವೇಗವಾಗಿ ಬಂದು ನೆಲದ ಮೇಲೆ ಇರುವ ವ್ಯಕ್ತಿಯ ತಲೆಯನ್ನ ಕತ್ತರಿಸಿ,ವ್ಯಕ್ತಿ ಮರಣ ಹೊಂದುವಂತ ವ್ಯವಸ್ಥೆ ಅದು...!

Gibbet ನ ಉದ್ದೇಶ:-

ಕಳ್ಳತನ ಮಾಡಿದವರು,ಕಳ್ಳತನ ಮಾಡಿದ ವಸ್ತುವಿನ 13 1/2d ಭಾಗದ ವಸ್ತುವಿನೊಂದಿಗೆ ಸಿಕ್ಕಿಹಾಕಿಕೊಂಡಾಗ ಅಥವಾ ಕಳ್ಳತನ ಮಾಡಿದ್ದ ವಸ್ತುವಿನ ಬಗ್ಗೆ ಖಚಿತ ಮಾಹಿತಿ ನೀಡಿ ಒಪ್ಪಿಕೊಂಡಾಗ, 

ಆ ಅಪರಾಧಿಗೆ ಈ Gibbet ನ ಕೆಳಗಡೆ ಇರಿಸಿ,ಕೊಡಲಿ ಅಥವಾ ಖಡ್ಗ ಮೇಲಿಂದ ಬಿಡುವ ಮೂಲಕ ಮರಣದಂಡನೆ ವಿಧಿಸಲಾಗುತ್ತಾ ಇತ್ತು..!

Gibbet ನ ಸುತ್ತ ಒಂದು ಸಣ್ಣ ಬೌಂಡರಿ ಕೂಡ ಹಾಕಲಾಗಿತ್ತು,ಎಲ್ಲಿಯಾದರೂ ಮರಣ ದಂಡನೆ ಸಮಯದಲ್ಲಿ ಅಪರಾಧಿ ಯಾವುದೋ ಲಕ್ ನಲ್ಲಿ ತಪ್ಪಿಸಿಕೊಂಡು,ಆ ಬೌಂಡರಿ ದಾಟಿ ಓಡಿ ಹೋದರೆ! 

ಅವನನ್ನ ಮತ್ತೆ ಆ ಕೂಡಲೇ ಹಿಡಿದು ಕರೆತಂದು ಮರಣದಂಡನೆ ವಿಧಿಸುವಂತೆ ಕಾನೂನು ಇರಲಿಲ್ಲ!

ಸುಮಾರು

1617 ರಲ್ಲಿ John lacy ಎಂಬ ಕಳ್ಳ ಈ ಶಿಕ್ಷೆಯ ಸಮಯದಲ್ಲಿ ಹೇಗೋ ಮಾಡಿ ತಪ್ಪಿಸಿಕೊಂಡು ಬೌಂಡರಿ ದಾಟಿ ಓಡಿ ಹೋಗಿ ಜೀವ ಉಳಿಸಿಕೊಂಡಿದ್ದನಂತೆ,

ಅವನನ್ನ "Running Man" ಅಂತಲೂ ಕರೆಯಲಾಗಿತ್ತಂತೆ..

ಆದರೆ ಸುಮಾರು 7 ವರ್ಷದ ನಂತರ ಮತ್ತೆ Halifax ಬಂದು ಸಿಕ್ಕಿಹಾಕಿಕೊಂಡು ಮತ್ತೆ ಅದೇ ಕೊಡಲಿಯ ಬಾಯಿಗೆ ಬಲಿ ಆಗಿದ್ದು ಅವನ ಪೆದ್ದು ತನ ಅಲ್ಲದೆ ಇನ್ನೇನು!?..

ಇದಕ್ಕೆ ಅಲ್ಲವೇ ಗ್ರಹಚಾರ 

ಮೊದಲನೇ ಮರಣದಂಡನೆಯ ಶಿಕ್ಷೆ Gibbetನಲ್ಲಿ 1286 ಹಾಗೂ ಕೊನೆಯ ಮರಣದಂಡನೆ 1650 ಇಸವಿಯಲ್ಲಿ ನಡೆದಿತ್ತು..ಎನ್ನಲಾಗಿದೆ..!

ಸುಮಾರು 100 ಕ್ಕೂ ಹೆಚ್ಚು ಜನ ಈ ವದಾ ಜಾಗದಲ್ಲಿ ಕೊಲ್ಲಲ್ಪಟ್ಟಿದ್ದಾರೆ ಎಂಬ ಮಾಹಿತಿ ಇದೆ..!ಆದರೆ ನಿಖರವಾಗಿ ಯಾರಿಗೂ ಗೊತ್ತಿಲ್ಲ..

1650 ರ ಸಮಯದಲ್ಲಿ,ಸ್ಥಳೀಯ ಆಡಳಿತ ಈ ವಿಷಯದ ಬಗ್ಗೆ ಸಾರ್ವಜನಿಕರ ಅಭಿಪ್ರಾಯ ಸಂಗ್ರಹ ಮಾಡಿದಾಗ,ಹೆಚ್ಚಿನ ಜನ ಕಳ್ಳತನಕ್ಕೆ ಮರಣದಂಡನೆಯಂತ ಘೋರ ಶಿಕ್ಷೆ ಕೊಡೋದು ಉಚಿತವಲ್ಲ ಎಂಬ ಅಭಿಪ್ರಾಯ ಕೇಳಿಬಂದಿತ್ತು..ಅದಕ್ಕೆ ಲಾರ್ಡ್ ಕ್ರೋಮ್ವೆಲ್ ಎಂಬ ಅಧಿಕಾರಿ ಆ Gibbet ನ್ನ ತೆಗೆಸಿ ಹಾಕಿ ಈ ಶಿಕ್ಷೆಯನ್ನ ರದ್ದು ಮಾಡಿದರಂತೆ..!

ನಂತರ ಅದೇ ರೀತಿಯ ಮರದ ಪ್ರತಿಕೃತಿ(Replica) ಇನ್ನೊಂದು Halifax Gibbet ನ್ನ ಪ್ರವಾಸಿಗರಿಗೆ ಎಂದು 2008 ರಲ್ಲಿ,West yorkshire,Halifax ನ ಅದೇ ಜಾಗದಲ್ಲಿ ಸ್ಥಾಪನೆಮಾಡಲಾಗಿದೆ..

57 ಜನರ ಹೆಸರು ಹಾಗೂ ಮರಣದಂಡನೆ ಕೊಟ್ಟ ಇಸವಿಯನ್ನ ಕೂಡ ಆ ಮರದ ಪ್ರತಿಕೃತಿಯ ಮುಂದೆ ಇರುವ ಬೋರ್ಡ್ನಲ್ಲಿ ನಮೂದಿಸಲಾಗಿದೆ..

😊

ಮರದ ತುಂಡಲ್ಲ ಬುಕ್..

ಮರದ ತುಂಡು ಅಂದು ಕೊಂಡರಾ?
ಹಾಗಾದ್ರೆ ನಿಮ್ಮ ಕಣ್ಣು ನಿಮಗೆ ಮೋಸ ಮಾಡ್ತು..

1914ರಲ್ಲಿ Armaries collection curator,(ಶಸ್ತ್ರಾಸ್ತ್ರ ಶೇಖರಣಾ ಘಟಕದ ಮೇಲ್ವಿಚಾರಕರಾದ) Charles ffoulkes ಇದನ್ನ ಸಂಗ್ರಹಣೆ ಮಾಡಿ ಟವರ್ ಅಪ್ ಲಂಡನ್ ನ ಶಸ್ತ್ರಾಸ್ತ್ರ ಸಂಗ್ರಹಣಾ(Armaries Collection) ವಸ್ತು ಸಂಗ್ರಹಾಲಯದಲ್ಲಿ ಇಟ್ಟಿದ್ದಾರಂತೆ..!

ಇದು 914 ಪುಟಗಳ ಲೆಡ್ಜರ್,ಇದರಲ್ಲಿ ಟವರ್ ಅಪ್ ಲಂಡನ್ Armarie ಯಲ್ಲಿ,ಬಂದೂಕು,ಮದ್ದು ಗುಂಡು,ಇನ್ನಿತರೆ ಯುದ್ಧ ಸಾಮಗ್ರಿ ಹಾಗೂ ಸ್ಪಾನಿಷ್ ಶಸ್ತ್ರಾಸ್ತ್ರ ಗಳ ಲೆಕ್ಕ ಪತ್ರ ಹಾಗೂ ರಶೀದಿಗಳನ್ನ ನಿರ್ವಹಣೆ ಮಾಡುತ್ತಾ ಇದ್ದರಂತೆ..

ಈ ಪುಸ್ತಕದಲ್ಲಿ 21 ಜೂನ್ 1675 ರಿಂದ 2 ಸೆಪ್ಟೆಂಬರ್ 1679 ವರೆಗಿನ ಲೆಕ್ಕ ಪತ್ರವಿದೆಯಂತೆ..!

ಇಷ್ಟು ದೊಡ್ಡ ಪುಸ್ತಕ ನೋಡಿ ನನಗೆ ಟೆನ್ಷನ್ ಆಗಿದ್ದಂತೂ ಸತ್ಯ..
ನೂರ್ ಮಾರ್ಕ್ಸ್ ಗೆ ಇಂತಹಾ ಒಂದು ಸಬ್ಜೆಕ್ಟ್ ಪುಸ್ತಕ ಕೊಟ್ಟರೆ ಗ್ಯಾರಂಟಿ ಚೀಟಿ ಮೇಲೆ ಏಳಲ್ಲ..
ಗ್ಯಾರಂಟಿ Govt seal 35 ಮಾರ್ಕ್ಸ್ ಕೂಡ ಬೀಳಲ್ಲ ಅಲ್ವಾ..
ಇದನ್ನ ಯಾರು ಎತ್ತುತ್ತಾ ಇದ್ರು ಅಂತ ಆ ದೇವರೇ ಬಲ್ಲ..
ನೋಡಿದ್ರೆ ಸುಸ್ತಾಗುತ್ತೆ ಇನ್ನು ಇದನ್ನ ಎತ್ತೋದಾ..
ಸಹವಾಸ ಅಲ್ಲ..
😂

ಬ್ರಿಟಿಷರ ಕೈತೋಟದ ಮೇಲಿನ ಪ್ರೀತಿ..

ಸಾಮಾನ್ಯವಾಗಿ ಬ್ರಿಟೀಷರು ಮನೆಯ ಎದುರು,ವಿವಿಧ ಬಣ್ಣದ ಗುಲಾಬಿ,ಡೇರೆ ಹೂವು,ಸಣ್ಣ ಲಾನ್ ಹೀಗೆ ಬೇರೆ ಬೇರೆ ಹೂವುಗಳನ್ನ ಹಾಗೂ ತರಕಾರಿಗಳನ್ನ ಕೂಡ ಹೆಚ್ಚಿನವರು ಮನೆಯ ಎದುರು,compound wall ಹಾಗೂ ಹಿತ್ತಲಿನಲ್ಲಿ ಬೆಳೆದಿರುತ್ತಾರೆ,ಅವರಿಗೆ ಈ ಹೂವಿನ ಗಿಡ ಹಾಗೂ ಬಣ್ಣದ ತರತರದ ಗಿಡಗಳನ್ನ,ಸಣ್ಣ ಪುಟ್ಟ ತರಕಾರಿಗಳನ್ನ ಬೆಳೆಯೋ ಹವ್ಯಾಸ ಇರೋದು ಸಂತೋಷ ಅನಿಸ್ತು,

ವಿವಿಧ ಸಲಕರಣೆಗಳನ್ನ,ತಮ್ಮ ಮನೆಯಲ್ಲೇ ಸಣ್ಣ ಗೋಡೊನ್ ತರ ಮಾಡಿಕೊಂಡು,ಕಳೆ ಕೀಳುವ ಸಲಕರಣೆಗಳು,ಲಾನ್ ಕಟ್ ಮಾಡುವ ಮಷಿನ್,ಗಿಡ ಕತ್ತರಿಸುವ ಕತ್ತರಿ,ಸಲಿಕೆ,ಗುದ್ದಲಿ,ಸಣ್ಣ ಗಾಡಿ,ಕಾಡು ಮಣ್ಣು,ಗೊಬ್ಬರ ಮೂಟೆ,ಎಲ್ಲಾ ತರದ ಸಣ್ಣ ಪುಟ್ಟ ಕೆಲಸಕ್ಕೆ ಅನುಕೂಲ ಆಗುವ Equipment,ನೀರಿನ ವ್ಯವಸ್ಥೆ ಎಲ್ಲಾ ಮಾಡಿಕೊಂಡಿರ್ತಾರೆ..

ಅವರೇ ಕೈತೋಟದಲ್ಲಿ ಕೆಲಸ ಮಾಡ್ತಾರೆ...!

ಬೇರೆಯವರ ಮೇಲೆ ಸಣ್ಣ ಪುಟ್ಟ ವಿಷಯಕ್ಕೆ, ಅವಲಂಭಿತರಾಗೋದು ಬಹಳ ಕಡಿಮೆ ಅಲ್ಲದೇ ಕಾರ್ಮಿಕರು ಬಹಳ ದುಬಾರಿ ಹಾಗೂ ಅವರು ಸಿಗೋದು ಅಷ್ಟು ಸುಲಭವಲ್ಲ...!

ಅದಕ್ಕೆ ಸ್ವಾವಲಂಭಿಯಾಗಿ ತಮ್ಮ ಹತ್ತಿರ ಆಗುವಂತ ಕೆಲಸವನ್ನ ಅವರೇ ಮಾಡಿಕೊಳ್ಳುತ್ತಾರೆ..!

ಎಲ್ಲಾ ತರದ advanced ಸಲಕರಣೆ ಸಿಗುತ್ತೆ,ತಾವೇ ಹೋಗಿ ಬೇಕಿದ್ದನ್ನ ನೋಡಿ ತರಬಹುದು..!
ಬಹಳ ಅಚ್ಚುಕಟ್ಟಾಗಿ ಸುತ್ತಲೂ ಬೇಲಿ ಹಾಕಿ ನೋಡೋಕೆ ಚಂದವಾಗಿ ತಮ್ಮ ಕೈತೋಟವನ್ನ ಮಾಡಿರ್ತಾರೆ ಹೆಚ್ಚಿನವರು..

ಅದಕ್ಕಾಗಿ ಹಲವು ಗಂಟೆಗಳನ್ನ ಗಿಡವನ್ನು ಆಯ್ಕೆ ಮಾಡೋದಕ್ಕೆ,ಕೈತೋಟ ಮಾಡೋದಕ್ಕೆ,ವಾರದಲ್ಲಿ ಕೆಲವು ದಿನ ವ್ಯಯಿಸುತ್ತಾರೆ..!

ಹಾರ್ಡ್ ವೇರ್ ಅಂಗಡಿಗಳಿಗೆ ಹೋದರೆ ಅಲ್ಲಿ ಬಹಳ ದೊಡ್ಡ ಜಾಗದಲ್ಲಿ ವಿಧ ವಿಧ ಗಿಡಗಳನ್ನ,ಹಾಗೂ ಗೊಬ್ಬರ ಕೈತೋಟಕ್ಕೆ ಬೇಕಾಗುವ ಎಲ್ಲಾ ವಿಧದ ಹೊಸ ಹೊಸ ಆವಿಷ್ಕಾರದ ಸಲಕರಣೆ ಇಟ್ಟಿರ್ತಾರೆ,ಬಹಳ ದುಬಾರಿ ಕೂಡ ಇರಲ್ಲ..
ರಸ್ತೆ ಬದಿಗಳಲ್ಲಿ ಕೂಡ ಜಾಗವಿದ್ದ ಕಡೆ ಸಣ್ಣ,ಪುಟ್ಟ ಮರವನ್ನ ಕೌನ್ಸಿಲ್ ನವರು ಬೆಳೆಸಿ maintain ಮಾಡ್ತಾರೆ..
ಎಲ್ಲಾ ಮಾಲ್ ಗಳಲ್ಲಿ ವಿಧವಿಧವಾದ ಹೂವಿನ ಗಿಡದ ಹಾಗೂ ತರಕಾರಿಗಳ ಬೀಜ ಇಟ್ಟಿರ್ತಾರೆ..
ಒಂದು ಬೊಕ್ಕೆಯನ್ನ ಮಾಲ್ ನಿಂದ ತಂದರೂ ಅದರ ಜೊತೆ ಒಂದು ಸಣ್ಣ ಪ್ಯಾಕ್ supplement(ಗೊಬ್ಬರ) ಜೊತೆಗೆ ಕೊಟ್ಟಿರುತ್ತಾರೆ..

ಇಲ್ಲಿನ
ಹಲವು ವಿಧದ ಬಣ್ಣದ ಗುಲಾಬಿ ಮತ್ತೆ ಡೇರೆ ಹಾಗೂ ಇನ್ನಿತರೆ ಹೂವು ಹಾಗೂ ಗಿಡಗಳನ್ನ ನೋಡೋಕೆ ಚಂದ..😍

ನಾನು,ಇವರು ಚಳಿಗೆ ಫುಲ್ ಕವರ್ ಆಗಿ ಓಡಾಡೋದು ಮಾತ್ರ ಅಂದು ಕೊಂಡಿದ್ದೆ..
ಆದರೆ
ಇವರ ಹೂವಿನ ಗಿಡಗಳ ಹಾಗೂ ಗಿಡಮರಗಳ ಮೇಲಿನ ಪ್ರೀತಿ ಒಂತರಾ ನಮಗೂ ಉತ್ಸಾಹ,ಆಸಕ್ತಿ ಹಾಗೂ ಖುಷಿ ಕೊಡುತ್ತೆ..
😍

ಬ್ರಿಟನ್ ಸಾರ್ವತ್ರಿಕ ಚುನಾವಣೆ

ಬ್ರಿಟನ್ ಸಾರ್ವತ್ರಿಕ ಚುನಾವಣೆ 12-12-2019:-

ಚುನಾವಣಾ ಕಚೇರಿಯಿಂದ ನನಗೆ ಒಂದು ಲೆಟರ್ ಬರುತ್ತೆ..
ಬೆಳಿಗ್ಗೆ 7 ರಿಂದ ರಾತ್ರಿ 10 ರವರೆಗೆ ಮತ ಚಲಾವಣಾ ಸಮಯ..
ಇದು ಪೊಲಿಂಗ್ ಬೂತ್ ವಿಳಾಸ
(ಒಂದು ಶಾಲೆಯ ವಿಳಾಸ..)
ಹಾಗೂ ಹೆಸರು ಮನೆಯ ವಿಳಾಸ..ಅಷ್ಟು ಅದರಲ್ಲಿ ಇರುತ್ತೆ..
ಇದನ್ನ ಮತದಾನದ ಸಮಯದಲ್ಲಿ ತರುವ ಅಗತ್ಯವಿಲ್ಲ ಅಂತಲೂ ನಮೂದಿಸಿರುತ್ತಾರೆ..!

ನಾನು ಸಂಜೆ 3 ಡಿಗ್ರಿ ಚಳಿಯಲ್ಲಿ ಒಂದು ಮತ ಚಲಾವಣೆ ಮಾಡೇ ಬಿಡೋಣ ಅಂತ ಶಾಲೆಯ ವಿಳಾಸ ಹುಡುಕುತ್ತಾ ಹೊರಟೆ,ಶಾಲೆಯ ಸುತ್ತಾ ಸುತ್ತಿದ್ರೂ ಚುನಾವಣೆಯ ವಾಸನೆಯೇ ಇಲ್ಲ,ನಡೆಯುತ್ತಿದೆ ಅನ್ನೋದಕ್ಕೆ ಸಣ್ಣ ಕುರುಹು ಇಲ್ಲ..!

ಬೆಂಚ್,ಟೇಬಲ್,ಚೇರ್ ಹಾಕಿಕೊಂಡು,ತಮ್ಮ ಪಕ್ಷದ ಚಿಹ್ನೆ ಹಿಡಿದು ಪುರುಸೊತ್ತಲ್ಲಿ ನಗುತ್ತಾ ನಿಂತ ಒಬ್ಬನೇ ಒಬ್ಬ ವ್ಯಕ್ತಿ ಇಲ್ಲ!,

ಮತದಾರರ ಪಟ್ಟಿಯ ಹೆಸರು ನೋಡಿ ಬರೆದು ಕೊಡೋಕೆ ಜನ ಇಲ್ಲ!

ಹ್ವಾಯ್,ಈ ಸರಿ ಒಂದು ಸರಿ ನಮ್ಮ ಕಡೆ ನೋಡಿ..ಅಣ್ಣನ್ನ ಮರಿ ಬೇಡಿ,ಅಕ್ಕನ ಮರಿ ಬೇಡಿ,ಗೊತ್ತಲ್ಲ ಇದಕ್ಕೆ ಈ ಸರಿ.. ಅಂತ ಹೇಳೋ ಒಬ್ಬರೂ ಇಲ್ಲ..!😂

ಪೋಲಿಂಗ್ ಕ್ಷೇತ್ರ,ಇಷ್ಟು ದೂರ ಗುಂಪುಕಟ್ಟುವ ಹಾಗಿಲ್ಲ ಅಂತ ಬೋರ್ಡ್ ಹಾಕಿ,ಬಾವುಟ ಹಾಕಿಲ್ಲ,ಚುನಾವಣೆಗೆ ನಿಂತವರ ಹೆಸರು ಲಿಸ್ಟ್ ಎಲ್ಲೂ ಇಲ್ಲ..!

ಚುನಾವಣಾ ಆಯೋಗದ ಯಾವ ನೋಟಿಸ್ ಇಲ್ಲ..!

ಪೊಲೀಸರ ಸುಳಿವು ಇಲ್ಲ,ಜನ ಜಂಗುಳಿ ಇಲ್ಲ..!

ನಂದಿನ್ನೂ ಓಟ್ ಆಗ್ಲ ಮಾರಾಯ್ರೆ ಅಂತ ಆಗಾಗ ಪಕ್ಷಗಳ ಮುಖಂಡರ ಮುಖ ನೋಡೋರು ಇಲ್ಲ..!

ಲೋಕಲ್ ಎಣ್ಣೆ,ರಾಣಿ ವಿಸ್ಕಿ,ಮಂತ್ರಿ ವಿಸ್ಕಿ ಹಾಕಿಕೊಂಡು ಹರಿದಾಡುತ್ತಾ ಇರುವ ಯಾವುದೇ,ಸರ್ಪಿನ ಹಾವು,ಕೆರೆ ಹಾವು,ಹೆಬ್ಬಾವು ಇನ್ನು ಯಾವುದೇ ಹಾವುಗಳು ಇಲ್ಲ,ಅವುಗಳ ವಾಸನೆ ಇಲ್ಲ ಅವುಗಳ ಗಲಾಟೆ ಇಲ್ಲ..!
ಒಂದು ಕಿರಿಕ್ ಇಲ್ಲ,ಗಲಾಟೆ ಇಲ್ಲ..
ಸೂ... ಮಗ,ಬೋ.. ಮಗ..ನೋಡಕಿತಿನಿ ನಿನ್ನ,ಸಿಗು ನೀನು ಅನ್ನೋ ಆವಾಜ್ ಇಲ್ಲ..
EVM ಸರಿ ಇಲ್ಲ ಅನ್ನೋಕೆ EVM ಇಲ್ಲ..
ಮೋದಿಗೆ ಬೈಯೋಣ ಅಂದರೆ ಮೋದಿ ಇಲ್ಲಿಲ್ಲ..!

ಇಂತಹ ಅದ್ಬುತ ಸುಳಿವು ಏನೂ ಇಲ್ಲದೆ
ಸುಮಾರು ಹೊತ್ತು ಹುಡುಕಾಡಿದ ಮೇಲೆ...

ಕೊನೆಗೂ ಶಾಲೆಯ ಒಂದು ಬದಿಯಲ್ಲಿ ಸಣ್ಣದಾಗಿ ಪೋಲಿಂಗ್ ಅಂತ ಬರೆದಿತ್ತು ಸಣ್ಣ arrow mark ಕೂಡ ಇತ್ತು..ಅದನ್ನ ಅನುಸರಿಸಿ ಒಂದು ಹಾಲ್
ಒಳಗೆ ಹೋದರೆ ಆಯಾ ಪಕ್ಷದ ಬೂತ್ ಏಜೆ0ಟ್ ಒಬ್ಬರೂ ಇಲ್ಲ..!
ಸರತಿ ಸಾಲಿನಲ್ಲಿ ಜನರೂ ಇಲ್ಲ..!

ಕೇವಲ ಮೂರು ಜನ ಅಧಿಕಾರಿಗಳು ಜ್ಯಾಕೇಟ್ ಹಾಕಿಕೊಂಡು,ಹೀಟರ್ ಹಾಕಿಕೊಂಡು ಸುಮ್ಮನೆ ಕೂತಿದ್ದಾರೆ..

ಎಡಕ್ಕೆ
ಒಂದು ಸಣ್ಣ ರಟ್ಟಿನ ಬಾಕ್ಸ್ನ ಟೇಬಲ್ ಮೇಲೆ ಇಡಲಾಗಿತ್ತು ಅದು ಮತ ಚಲಾವಣೆಯ ಜಾಗ..

ಅದರಲ್ಲಿ ಒಂದು ಪೆನ್ಸಿಲ್ ಇಡಲಾಗಿತ್ತು..

ಹೋದ ಕೂಡಲೇ ಎದುರಲ್ಲಿ ಒಂದು ಸಣ್ಣ ಟೇಬಲ್ ಇತ್ತು, ಅಲ್ಲಿ
ಮೊದಲು ಕೂತ ಅಧಿಕಾರಿಗೆ,ಹಲೋ..... ಅಂತ ಹೇಳಿ ಏರಿಯಾ ಪಿನ್ ಹೇಳಿದರೆ ಆಯ್ತು,ಹಲೋ,ಆರ್ ಯು ಓಕೆ..ಹೇಗಿದ್ದೀರಾ ಅಂತ ಕಿರುನಗೆ ಚೆಲ್ಲಿ,ಲಿಸ್ಟ್ ನಲ್ಲಿ ಇರುವ ಹೆಸರು ನೋಡಿ,ಮನೆಯ ವಿಳಾಸ ಹೇಳ್ತಾರೆ,ಹೆಸರು ಹೇಳಿ,ನೀವೇನಾ ಕೇಳ್ತಾರೆ..
ಹೌದು ಅಂದರೆ ಆಯ್ತು..!

ಯಾವ ಗುರುತಿನ ಚೀಟಿ ಏನೂ ಕೇಳುವ ಪ್ರಶ್ನೆಯೇ ಇಲ್ಲ..!

ಆಮೇಲೆ ಪಕ್ಕದಲ್ಲಿ ಕೂತ ಅಧಿಕಾರಿ
ಒಂದು ಪೇಪರ್ ಕೊಡ್ತಾರೆ,ಅದು ಚುನಾವಣೆಗೆ ನಿಂತ ಉಮೇದುವಾರರ ಪಟ್ಟಿ...!

ಅದನ್ನ ಹಿಡಿದು ರಟ್ಟಿನ ಬಾಕ್ಸ್ ಬಳಿ ಹೋಗಿ ಪೆನ್ಸಿಲ್ ನಲ್ಲಿ ಯಾವ ಪಕ್ಷದ ವ್ಯಕ್ತಿಗೆ ಮತ ಹಾಕಬೇಕೋ ಅದರ ಎದುರು X ಮಾರ್ಕ್ ಮಾಡಿ ಅದನ್ನ ಮಡಚಿ ಪಕ್ಕದಲ್ಲೇ ಇರುವ ಒಂದು ಕಪ್ಪು ಬಾಕ್ಸ್ ಒಳಗೆ ಹಾಕಿದರೆ ಆಯ್ತು..
ಬೆರಳಿಗೆ ಇಂಕು ಅದೆಲ್ಲಾ ಕತೆಯೇ ಇಲ್ಲ..!😊

ನಿಮ್ಮ ಮತ ಚಲಾವಣೆ ಪ್ರಕ್ರಿಯೆ ಮುಗಿಯಿತು..

ಧನ್ಯವಾದಗಳು,ಶುಭರಾತ್ರಿ ಅಂತ ಹೇಳಿ,ನಗುತ್ತಾ ಸಂತೋಷದಿಂದ ಬೀಳ್ಕೊಡುತ್ತಾರೆ ಅಲ್ಲಿನ ಮೂರು ಮತ್ತೊಂದು ಅಲ್ಲಲ್ಲ ಎರಡು ಮತ್ತೊಂದು.. ಸಿಬ್ಬಂದಿ...😍
ಅಷ್ಟೇ
ಇದು
ಇಂಗ್ಲೆಂಡ್ಗೆ ಇಂದು ನಡೆದ ಸಂಸತ್ ಗೆ ನಡೆಯುವ ಚುನಾವಣೆಯ ರೀತಿ...

ಹಾಗೆ ಅಲ್ಲೊಂದು ಸಣ್ಣ ಸೂಚನೆ ಫಲಕ ಕೂಡ ಇತ್ತು..

"ಎಷ್ಟು ಪರ್ಸ0ಟ್ ಮತದಾನ ಆಗಿದೆ ಅಂತ ಕೇಳಬೇಡಿ ಅಂತ!"ಅದು ನನಗೆ ಆಶ್ಚರ್ಯ ಅನಿಸ್ತು..!

ಕೊನೆಗೆ....
ಯಾರೋ ದಕ್ಷಿಣ ಅಮೆರಿಕಾದವರ ತರ ಕಾಣುತ್ತಾ ಇದ್ದ ಚುನಾವಣಾ ಮಹಿಳಾ ಅಧಿಕಾರಿ ನನ್ನ ಹತ್ತಿರ ಹಲವು ವಿಷಯ ಮಾತನಾಡಿದರು,ನೀವು ಭಾರತೀಯರ ಕೇಳಿದ್ರು..ನಾನು ನಮ್ಮ ದೇಶದಲ್ಲಿ ಚುನಾವಣೆ ಹೀಗೆ ನಡೆಯಲ್ಲ ಅಂದೆ..ಅದಕ್ಕೆಅವರು ಇದು ಬ್ರಿಟನ್ ವಿಶ್ವಸಂಸ್ಥೆ ಕೆಲವು ನಿಭಂದನೆ ಮಾಡಿದೆ,ಅದನ್ನ ನಾವು ಚುನಾವಣೆಯಲ್ಲೂ ಪಾಲೋ ಮಾಡಬೇಕು,ಈಗ EU ಅವರು ಇಲ್ಲಿ ಮತದಾನ ಮಾಡುವ ಹಾಗಿಲ್ಲ,ಹಾಗೆ ಇನ್ನೂ ಕೆಲವು ಬದಲಾವಣೆ ಆಗುವ ಚಾನ್ಸ್ ಇದೆ ಅಂತ ಉಭಯ ಕುಶಲೋಪರಿ ಮಾತಾಡಿ ಬಾಯ್,ಗುಡ್ ನೈಟ್ ಅಂತ ಹೇಳಿ ಕಳುಹಿಸಿದ್ರು..😍

ಇಷ್ಟೇನಾ ಪ್ರಾಕ್ಸಿ ಹೊಡೆಯಬಹುದಲ್ಲ ಅಂತ ಕೇಳಬಹುದು ನೀವು...!

ಸಿಕ್ಕಿ ಹಾಕಿಕೊಂಡರೆ ಮಿನಿಮಮ್ 6 ತಿಂಗಳು ಜೈಲು ಅಷ್ಟೇ..
ಮುದ್ದೆ ಸೊಪ್ಪಿನ ಹುಳಿ ಕೊಡಲ್ಲ,
ಬ್ರೆಡ್ ಬಟರ್ ಕೊಡ್ತಾರೆ..ಅಷ್ಟೇ ವ್ಯತ್ಯಾಸ😂

ಈಗ
ನಮ್ಮ ದೇಶದ
ಚುನಾವಣೆಯ ಬಗ್ಗೆ ಒಮ್ಮೆ ಊಹಿಸಿ ಕೊಳ್ಳಿ..!
😁

ಬ್ರಿಟಿಷರು ಎಂತಾ ಸುಖ ಇಲ್ಲ..
ಖರ್ಚೆ ಮಾಡಲ್ಲ..
ಚಪ್ಪೆ...

ಇದು ಎಂತಾ ಚುನಾವಣೆ...
ಹೋಗ್ರಾ
ಥೋ...
😂

ನಮ್ಮದೇಶದ ಇಂಜಿನಿಯರ್ ಹಾಗೂ ಲಂಡನ್ ಟವರ್ ಬ್ರಿಡ್ಜ್

30 ಜೂನ್ 1886 ರಿಂದ 21 ಜೂನ್ 1894 ರವರೆಗೆ ಸುಮಾರು 8 ವರ್ಷಗಳ ಕಾಲ ಥೇಮ್ಸ್ ನದಿಗೆ ಅಡ್ಡಲಾಗಿ ಕಟ್ಟಲಾದ
801 ಅಡಿ(244m) ಉದ್ದ
213ಅಡಿ(65m)ಎತ್ತರ
270ಅಡಿ(82m)ಅತಿ ಅಗಲದ ಸ್ಪಾನ್
28ಅಡಿ(8.6m) ಎತ್ತರ (when Bascule Closed)
139ಅಡಿ (42m)ಎತ್ತರ(When Bascule opend)
ಹೊಂದಿರುವ
ಈ ಲಂಡನ್ ಟವರ್ ಸೇತುವೆಗೆ
(Techincal name:-Bascule Bridge/Suspension Bridge)
Horance Jones,
George D Stevenson ಎಂಬುವವರು ಮುಖ್ಯ Architiect ಆಗಿದ್ದರಂತೆ..
ಈ ಸೇತುವೆಯ ವಿನ್ಯಾಸಗಾರರು ಮತ್ತೆ ತಾಂತ್ರಿಕವರ್ಗ,(Architects ಮತ್ತೆ Engineers) ಹೆಚ್ಚಿನವರು ಬ್ರಿಟಿಷರೇ ಇದ್ದರು..

ಆದರೆ ಅದರಲ್ಲಿ ಬ್ರಿಟಿಷ್ ಅಲ್ಲದ Engineer,ನಮ್ಮ ಭಾರತೀಯರು ಕೂಡ ಈ ಸೇತುವೆಯ ಸಂಪೂರ್ಣ ಕಾಮಗಾರಿ ಮುಗಿಯುವವರೆಗೆ ಅಲ್ಲಿಯೇ ಕೆಲಸ ನಿರ್ವಹಿಸಿದ್ದರು ಅನ್ನುವ ಮಾಹಿತಿ ನೋಡಿ
ಹೆಮ್ಮೆ ಮತ್ತೆ
ಖುಷಿ ಅನಿಸಿತು..❤️

ಅವರ ಹೆಸರು ಕೇಶವ್ಜಿ ಶ್ಯಾಮ್ ಜಿ ಬುದ್ಬಟ್ಟಿ
ಇವರು ಗುಜರಾತ್ ಮೂಲದವರು,ಲಂಡನ್ ನಲ್ಲೇ ವಿದ್ಯಾಭ್ಯಾಸ ಮಾಡಿದ್ದರಂತೆ..😍

ಡೇವಿಡ್ ಹ್ಯುಮ್ ಮತ್ತು ಕಾಲುಜ್ಜುವುದು..

ಇದು ಡೇವಿಡ್ ಹ್ಯುಮ್ ಎನ್ನುವ ಒಬ್ಬ ಇತಿಹಾಸಕಾರ,ತತ್ವಜ್ಞಾನಿಯ ಪ್ರತಿಮೆ..
ಇವರು 1711 ರಿಂದ 1776 ರವರೆಗೆ ಎಡಿನ ಬರೋ ದಲ್ಲಿ ಜೀವಿಸಿದ್ದರಂತೆ ಇವರ ಕಂಚಿನ ಪ್ರತಿಮೆಯನ್ನ 1995ರಲ್ಲಿ Alexender stoddart ಎನ್ನುವ ಕಲಾಕಾರರು ಮಾಡಿದ್ದಾರೆ, Edinburgh, Royal mile ನಲ್ಲಿ ರುವ ಹೈ ಕೋರ್ಟ್ ಎದುರು ಇದನ್ನ ಸ್ಥಾಪಿಸಲಾಗಿದೆ..

ಈ ಪ್ರತಿಮೆಯ ಬಲಗಾಲಿನ ಹೆಬ್ಬೆರಳು ಉಜ್ಜಿದರೆ ಒಳ್ಳೆಯ ಯೋಗ ಬರುತ್ತೆ ಅಂತ ಜನರ ನಂಬಿಕೆ..

ಇಲ್ಲಿಗೆ ಬರುವ ಪ್ರವಾಸಿಗರು ಆ ಬೆರಳು ಉಜ್ಜಿ ಉಜ್ಜಿ,ಅದು ಬಂಗಾರದ ಬಣ್ಣಕ್ಕೆ ಬದಲಾಗಿದೆ..

ನಂಬಿಕೆ ಮೂಢ ನಂಬಿಕೆ,ಎಲ್ಲಾ ಅವರವರ ಭಾವಕ್ಕೆ ಬಿಟ್ಟಿದ್ದು..

ಆದರೆ
ಒಂದು ವಿಶೇಷ ಅಂದರೆ ಈ ರೀತಿಯ ನಂಬಿಕೆಗೆ ಇಲ್ಲಿ ಯಾರೂ ಅಪಹಾಸ್ಯ ಮಾಡಿದ್ದು ಕಂಡಿಲ್ಲ..
ಕೇಳಿದರೆ..
ಅವರವರ ಇಷ್ಟ,ಅವರವರ ನಂಬಿಕೆ ಅಂತಾರೆ ಇಲ್ಲಿಯ ಜನ..

ಬೇರೆಯವರಿಗೆ ಹದ ಹಾಕುವವರು,ಬೋಧನೆ ಮಾಡುವವರು,ಅಪಹಾಸ್ಯ ಮಾಡೋರು,ನಾವೇನೋ ಬಹಳ ಮುಂದುವರೆದಿದ್ದೀವಿ ಅಂತ ತೋರಿಸುವ ಧಾವಂತ,ಇಲ್ಲಿ ಬಹಳ ಕಡಿಮೆ..!
😂

ಕೊಹಿನೂರ್ ವಜ್ರದ ಮನೆ

ಇದು ಟವರ್ ಆಪ್ ಲಂಡನ್ ನಲ್ಲಿ ಇರುವ The Crown Jewel ಅಂತ ಒಂದು ಕಟ್ಟಡ,

ಇಲ್ಲೇ ಕೋಹಿನೂರ್ ವಜ್ರದ Replica ಇಟ್ಟಿದ್ದಾರೆ ಹಾಗೆ ನಮ್ಮ ದೇಶದ ಹೆಸರೂ ಹಾಕಿದ್ದಾರೆ..!

ಇಲ್ಲಿ ಒಳಗಡೆ ಇಟ್ಟಿರುವ ಚಿನ್ನದ ಕಿರೀಟಗಳು ಅದಕ್ಕೆ ವಜ್ರದ ವರ್ಕ್ ಮಾಡಿರೋದು,ತಟ್ಟೆಗಳು,ಚಮಚ,ಲೋಟ,ನೀರಿನ ಮಗ್,ಖಡ್ಗಗಳು,momentoಗಳು,ಬೇರೆ ಬೇರೆ ಕೆತ್ತನೆಗಳು,ಚಿತ್ರ ವಿಚಿತ್ರ ಆಕೃತಿಗಳು,ಇನ್ನೂ ದೊಡ್ಡ ಸಾಮಗ್ರಿ ನೋಡೋಕೆ,ಸುಮಾರು ಹೊತ್ತು ಬೇಕು ಅಷ್ಟು ಬಂಗಾರದ ಆಭರಣ ಹಾಗೂ ಪಾತ್ರೆಗಳನ್ನ ಜೋಡಿಸಿ ಇಟ್ಟಿದ್ದಾರೆ..!!!

ಯಾವುದೇ ಕಾರಣಕ್ಕೂ ಫೋಟೋಗ್ರಾಫಿ ಮಾಡುವ ಹಾಗಿಲ್ಲ,

ಮುಖ್ಯ ದ್ವಾರದ ಎದುರು ಒಂದು ಸಣ್ಣ ಸೂಚನಾ ಫಲಕದಲ್ಲಿ No cigarate,No alcohol,No photography,No video graphyಅಂತ ಮಾತ್ರ ಹಾಕಿದ್ದಾರೆ..ಅಷ್ಟೇ

ಬೋರ್ಡ ಮಾತ್ರ ಇದೆ..
ಅಲ್ಲಿರುವ ಗಾರ್ಡ್ ಗಳು ಅದೆಲ್ಲಾ ಹೇಳೋದು ಇಲ್ಲ,

ಆದರೆ ಒಬ್ಬರೂ ಫೋಟೋ ತೆಗೆಯೋದು ಇಲ್ಲ,ವೀಡಿಯೊ ಕೂಡ ಮಾಡಲ್ಲ..!

ಹಾಗಾಗಿ ನಾನು ಜೇಬಿನಿಂದ ಮೊಬೈಲ್ ತೆಗೆಯಲಿಲ್ಲ,ಬ್ಯಾಗ್ ನಿಂದ ಕ್ಯಾಮರಾ ತೆಗೆಯಲಿಲ್ಲ..!
ಯಾಕೆ ಬೇಕು

"ಯುಕೆಯಲ್ಲಿ ಕನ್ನಡಿಗ ಧರ್ಮದ ಏಟು ತಿಂದ ಯಾಕೆ!?

ಕೋಹಿನೂರ್ ವಜ್ರಕ್ಕೆ ಕೈ ಹಾಕಲು ಹೋಗಿಯಾ!!??

ಕೆಲವೇ ಕ್ಷಣದಲ್ಲಿ ಬ್ರೇಕಿಂಗ್ ನ್ಯೂಸ್ ನಮ್ಮಲ್ಲೇ ಮೊದಲು"
ಅಂತ ಅವನಾಮ ಥೋ ಅವಮಾನ ಮಾಡಿಸಿಕೊಳ್ಳೋದು ಅಲ್ವಾ..😂

ಆದರೆ ನಮ್ಮ ದೇಶದ ಆಭರಣಗಳ ಬಗ್ಗೆ ಆಸಕ್ತಿ ಇರುವ ಮಹಿಳೆಯರು ಬಂದರೆ ಖಂಡಿತಾ ಆ ಜಾಗದಿಂದ ಅರ್ಧ ದಿನ ಹೊರಗೆ ಬರಲ್ಲ ಅಷ್ಟು ಡಿಸೈನ್ ಹಾಗೂ ತರ ತರದ ವಜ್ರ,ಹವಳ,ಮುತ್ತು,ಹಾಗೂ ಇನ್ನಿತರೆ ದುಬಾರಿ ವಸ್ತು ಬಳಸಿ ಆಭರಣಗಳು ಕಿರೀಟಗಳ ಡಿಸೈನ್ ಮಾಡಲಾಗಿದೆ,ಖಡ್ಗಗಳನ್ನ,ಪಿಸ್ತೂಲ್ ಗಳಲ್ಲಿ ಕೂಡ ವಜ್ರ ಬಳಸಿದ್ದನ್ನ ಇಡಲಾಗಿದೆ..!

ಮದುವೆ ಮನೆಯಲ್ಲಿ ಅನ್ನ ಸಾಂಬಾರು ಮಾಡಲು ಬಳಸುವ ಒಂದು ದೊಡ್ಡ ಕಡಾಯದ ತರದ ಬಂಗಾರದ  ಪಾತ್ರೆ ನೋಡಿ ಹೊಟ್ಟೆ (ಉರಿದು)ತುಂಬಿ ಹೋಯ್ತು..😣

ಮನೆಯಲ್ಲಿ ಇದ್ದರೆ ಚಿನ್ನ
ಚಿಂತೆ ಏತಕೆ ಇನ್ನಾ ಅನ್ನೋಣ ಅಂತ ಅಂದು ಕೊಂಡೆ..
ಆದರೆ ಆ ಚಿನ್ನ
ನಮ್ಮ ಲಂಡನ್ ನ ಎಲಿಜಬೆತ್ ಅಜ್ಜಿದು...!

ಅಲ್ಲಿರುವ ಸೆಕ್ಯೂರಿಟಿ ಹುಡುಗಿಯರನ್ನ ನೋಡಿದ್ರೆ ಭಯ ಆಗುತ್ತೆ..
ಸಹವಾಸ ಅಲ್ಲ ಅಲ್ವಾ..
ಜೀವ ಇದ್ರೆ ಜೋನಿ ಬೆಲ್ಲ ತಿಂದು ಆದ್ರೂ ಬದುಕಬಹುದು..
ಅಲ್ವಾ!!!
😂

ಬ್ರಿಟನ್ ಟವರ್ ಆಪ್ ಲಂಡನ್ ಕಾಗೆಗಳು

The Ravens.
If the ravens leave the tower
The Kingdom will fall..
ಎನ್ನುವ ಒಂದು ನಂಬಿಕೆ ಬ್ರಿಟಿಷ್ ರಾಜಮನೆತನದಲ್ಲಿ ಬಹಳ ಹಿಂದಿನಿಂದ ಇದೆ..

ಸುಮಾರು 6 ಕಾಗೆಗಳನ್ನ ಈ ಟವರ್ ಅಪ್ ಲಂಡನ್ ನ ದಕ್ಷಿಣ ಭಾಗದ ಲಾನ್ ನಲ್ಲಿ ಸಾಕಿಕೊಂಡಿದ್ದಾರೆ..

ಈ ಕಾಗೆಗಳು ಟವರ್ ಆಪ್ ಲಂಡನ್ ಜಾಗ ಬಿಟ್ಟು ಬೇರೆಡೆ ಹೊರಟು ಹೋದರೆ,ಟವರ್ ಅಪ್ ಲಂಡನ್ ಕುಸಿದು ಬೀಳುತ್ತೆ,ರಾಜ ಮನೆತನಕ್ಕೆ ಸಮಸ್ಯೆ ಆಗುತ್ತೆ ಹಾಗೂ ಅವರ ಅಧಿಪತ್ಯ ಮುಗಿದು ಬಿಡತ್ತೆ,ಇಂಗ್ಲೆಂಡ್ ದೇಶ ಕತೆ ಮುಗಿಯುತ್ತೆ ಎನ್ನುವ ನಂಬಿಕೆಯಂತೆ..!

ಈ ಕಾಗೆಗಳು ಕಿರೀಟ ಮತ್ತು ಲಂಡನ್ ಟವರ್ ಕಾವಲು ಮಾಡುತ್ತವೆ ಎನ್ನುವ ನಂಬಿಕೆಯಂತೆ..!...

ಈ ಕಾಗೆಗಳನ್ನ ನೋಡಿಕೊಳ್ಳಲು ಒಬ್ಬರು Raven master ಕೂಡ ನೇಮಕ ಮಾಡಿದ್ದಾರೆ,
Jubilee, Harris,Gripp,Rocky,Erin,Poppy,and Merlina(ಒಂದು extra ಸಾಕಲಾಗಿದೆ)
ಅಂತ ಹೆಸರಿನ 7 ಕಾಗೆಗಳನ್ನ ಸಾಕಲಾಗಿದೆ.
ಇತ್ತೀಚೆಗೆ ಮರಿಗಳು ಕೂಡ ಹುಟ್ಟಿವೆಯಂತೆ!

ಇದರಲ್ಲಿ ಕೆಲವು ಕಾಗೆಗಳು ವಿಶೇಷ ಕೌಶಲ್ಯ ಕೂಡ ಹೊಂದಿದ್ದಾವೆ ಅಂತೆ,
ಅವುಗಳು ಮಿಮಿಕ್ ಮಾಡೋದು,ಆಟ ಆಡೋದು,ಕೆಲವು ಸಮಸ್ಯೆ ಪರಿಹಾರ ಮಾಡೋದು ಎಲ್ಲಾ ಮಾಡುವ ಸಾಮರ್ಥ್ಯ ಕೂಡ ಹೊಂದಿವೆಯಂತೆ..!!!

ಪ್ರವಾಸಿಗರು ಕೆಲವೊಮ್ಮೆ ಈ ಅನುಭವ ಪಡೆದದ್ದೂ ಇದೆಯಂತೆ ಆದರೆ ಯಾವುದೇ ಆಹಾರ ಹಾಕಬೇಡಿ,ಜಾಸ್ತಿ ಅವುಗಳ ಜೊತೆ interaction ಮಾಡಬೇಡಿ ಒಮ್ಮೊಮ್ಮೆ ಅವು ಸಿಟ್ಟಾಗಿ ದಾಳಿ ಮಾಡುವ ಸಾಧ್ಯತೆ ಇದೆ ಅಂತಲೂ ಅಲ್ಲಿನ ಸಿಬ್ಬಂದಿ ಹೇಳ್ತಾರೆ..!
ಇವುಗಳು ಮಾಸ್ಟರ್ ಮಾತನ್ನ ಚಾಚೂ ತಪ್ಪದೆ ಪಾಲಿಸುತ್ತವಂತೆ!😊

ನನಗೆ ಒಂದೆರಡು ಕಾಗೆಗಳು ಅಲ್ಲೇ ಅಕ್ಕಪಕ್ಕ ಕೂಗುತ್ತಾ ಓಡಾಡೋದು ಕಾಣಿಸಿತು,ಬೆಳಕಿನ ಅಭಾವದಿಂದ ಫೋಟೋ ತೆಗೆಯಲು ಆಗಲಿಲ್ಲ..!😣

ಇವಕ್ಕೆ ದಿನಕ್ಕೆ ಎರಡು ಹೊತ್ತು,RavenMaster,
ಆಹಾರ,ಅಂದರೆ ಇಲಿ,ಹಾಗೂ ಮಾಂಸದ ಚೂರು ಹಾಗೂ ರಕ್ತದಲ್ಲಿ ಅದ್ದಿರುವ ಬಿಸ್ಕೆಟ್ ಹಾಕುತ್ತಾರಂತೆ..

ಇವು ಜಾಸ್ತಿ ದೂರ ಹಾರಿ ಹೋಗದಂತೆ ಆಗಾಗ ಮಾಸ್ಟರ್ ರೆಕ್ಕೆಗಳನ್ನ ಕೆಲವು ಭಾಗ ಟ್ರಿಮ್ ಮಾಡುತ್ತಾರಂತೆ..

ಆದರೆ ಅವು ಹೊರ ಹೋಗೋದು ಬಹಳ ಕಡಿಮೆ ಅಂತೆ..

ಕೆಲವೊಮ್ಮೆ ಗ್ರೀನ್ವಿಚ್ ಹೋದ ಘಟನೆಯು ನಡೆದಿತ್ತು ಎನ್ನಲಾಗಿದೆ..!

ನಂಬಿಕೆಯೋ..ಮೂಢನಂಬಿಕೆಯೋ..
ಅವರವರ ಭಾವಕ್ಕೆ..!
ಪ್ರಪಂಚದ ಯಾವ ಜನರನ್ನೂ ಹೊರತಾಗಿ ಇಲ್ಲ ಅನ್ನೋದಕ್ಕೆ ಇದು ಒಂದು ಉದಾಹರಣೆ ಎನ್ನಬಹುದು...!
ಅಲ್ವಾ!?...

ಈಗಲೂ ಇದನ್ನ ಬಲವಾಗಿ ನಂಬಿ ನಡೆಸಿಕೊಂಡು ಬರುತ್ತಾ ಇದ್ದಾರೆ British Royal familyಯವರು..!

(ವಿ.ಸೂ:-ಇದನ್ನ ಬಹಳ ಸಂಕ್ಷಿಪ್ತವಾಗಿ ಬರೆದಿದ್ದೇನೆ,ಇದರ ಹಿನ್ನೆಲೆ ಸಂಪೂರ್ಣ ಮಾಹಿತಿ ಹಾಕಿಲ್ಲ,ಇದರ ಕತೆ ಬಹಳ ದೊಡ್ಡದಿದೆ ಆಸಕ್ತರು ಇದರ ಇತಿಹಾಸ ಓದಿದರೆ ಹೆಚ್ಚಿನ ಮಾಹಿತಿ ಸಿಗಬಹುದು!!)

ಬಾಬಿ ಎಂಬ ಎಡಿನ್ ಬರೋ ನಾಯಿಯ ಕತೆ

ನಾಯಿ ನಿಯತ್ತಿಗೆ ಹೆಸರಾದ ಪ್ರಾಣಿ,ಒಮ್ಮೆ ಒಬ್ಬರನ್ನ ಹಚ್ಚಿಕೊಂಡರೆ ಅವರನ್ನ ಬಿಟ್ಟು ಹೋಗುವ ಮಾತೇ ಇಲ್ಲ..😍

ಇದು Scotland ನ Edinbarugh ಎಂಬ ಪಟ್ಟಣದಲ್ಲಿ 19ನೆ ಶತಮಾನದಲ್ಲಿ ನಡೆದ ಒಂದು ನೈಜ ಕತೆ...

ಸುಮಾರು 1855 ರ ಸಮಯದಲ್ಲಿ,ಎಡಿನ್ ಬರೋ ಎಂಬ ಪಟ್ಟಣದಲ್ಲಿ,ಎಡಿನ್ ಬರೋ ಪೊಲೀಸ್ ಇಲಾಖೆಯಲ್ಲಿ ಜಾನ್ ಗ್ರೇ ಎಂಬವ್ಯಕ್ತಿ ನೈಟ್ ವಾಚ್ಮ್ಯಾನ್ ಆಗಿ ಕೆಲಸ ನಿರ್ವಹಿಸುತ್ತ ಇದ್ದರಂತೆ..

ತುಂಬಾ ಚಳಿಗಾಲದಲ್ಲಿ ಒಬ್ಬರೇ ಕಾವಲು ಕಾಯುವಾಗ ಒಬ್ಬರು ಜೊತೆಗಾರ ಇರಲಿ ಅಂತ
Skye Terrier ಎಂಬ ಬ್ರೀಡ್ ನ ಬಾಬಿ ಎಂಬ ಹೆಸರಿನ 2ವರ್ಷ ವಯಸ್ಸಿನ ನಾಯಿ ಸಾಕಿದ್ದರಂತೆ,ಸ್ವಲ್ಪ ದಿನಕ್ಕೆ ಬಹಳ ಆಪ್ತ ಸ್ನೇಹಿತರಾಗಿ ಬಿಡ್ತಾರೆ ಇಬ್ಬರೂ,

ಇದರ ಮಧ್ಯೆ
ಜಾನ್ ಗ್ರೇ ಗೆ Tubercolosis ಸಮಸ್ಯೆ ಪ್ರಾರಂಭವಾಗತ್ತೇ,ಅದು ದಿನೇ ದಿನೇ ಬಹಳ ಉಲ್ಬಣವಾಗಿ,15 ಫೆಬ್ರವರಿ,
1858ರಲ್ಲಿ ಜಾನ್ ಗ್ರೇ ಮರಣ ಹೊಂದಿ ಬಿಡ್ತಾರೆ,

ಅವರನ್ನ ಅಲ್ಲೇ ಹತ್ತಿರದ Old town Edinbarugh,Greyfriers kirik yard ಎಂಬ ಸ್ಮಶಾನದಲ್ಲಿ ಅಂತಿಮ ಸಂಸ್ಕಾರ ಮಾಡುತ್ತಾರೆ..

ಆದರೆ ತನ್ನ ಒಡೆಯನ ಅಂತಿಮ ಸಂಸ್ಕಾರ ಆದ ದಿನದಿಂದ ಎಷ್ಟೇ ಕೆಟ್ಟ ವಾತಾವರಣ,ಚಳಿ ಇದ್ದರೂ ಒಡೆಯನ ಸಮಾಧಿ  ಬಳಿ ಕುಳಿತು,ಓಡಾಡುತ್ತಾ ಜೀವನ ಮಾಡುತ್ತಾ ಇರುತ್ತೆ ಬಾಬಿ,ಇದನ್ನ ಗಮನಿಸಿದ ಅಲ್ಲಿನ ಸ್ಥಳೀಯರು ಬಾಬಿಯನ್ನ ಬೇರೆಡೆ ಸ್ಥಳಾಂತರ ಮಾಡಲು ಹಲವು ಸರಿ ಪ್ರಯತ್ನ ಮಾಡಿದರೂ,ಮತ್ತೆ ಅಲ್ಲೇ ಬಂದು ವಾಸ ಮಾಡುತ್ತಾ ಇತ್ತಂತೆ..!

ಕೊನೆಗೆ ಬಾಬಿ ಸ್ಥಲಾಂತರ ಮಾಡೋದು ಪ್ರಯತ್ನ ಕೈಬಿಟ್ಟ ಜನ..
ಗ್ರೇಪ್ರೈಯರ್ ಕಿರಿಕ್ ಯಾರ್ಡ್ನ, ಜಾನ್ ಗ್ರೇ ಸಮಾಧಿಯ ಪಕ್ಕದಲ್ಲೇ ಬಾಬಿಗೆ ಒಂದು ಸಣ್ಣ ಗೂಡನ್ನು ಕಟ್ಟಿ ಕೊಟ್ಟರಂತೆ..

ಬಾಬಿಯ ಈ ಸುದ್ದಿ ಕೆಲವೇ ದಿನಗಳನ್ನ ಇಡೀ ಎಡಿನ್ ಬರೋ ಪಟ್ಟಣಕ್ಕೆ ಮುಟ್ಟುತ್ತೆ..!

ಸುಮಾರು ಒಂದು ಗಂಟೆಯ ಮಧ್ಯಾನ್ಹ ಜನರೆಲ್ಲಾ ಕಿರಿಕ್ ಯಾರ್ಡ್ ಬಳಿ ಬಂದು ಬಾಬಿಯನ್ನ ನೋಡುತ್ತಾ ಇದ್ದರಂತೆ,ಕಾರಣ ದಿನಾ ಒಂದು ಗಂಟೆಗೆ ಬಂದೂಕು ಶಬ್ದ ಮಾಡೋದು ಅಲ್ಲಿನ ವಾಡಿಕೆ,ಆ ಬಂದೂಕು ಶಬ್ದ ಕೇಳಿದ ಕೂಡಲೇ,ಬಾಬಿ ಓಡಿ ಹೋಗಿ ಅಲ್ಲೇ ಹತ್ತಿರದಲ್ಲಿ ಇದ್ದ ಟ್ರೈಲ್ಸ್ ಕಾಪಿ ಹೌಸ್ ನಲ್ಲಿ ಮಧ್ಯಾನ್ಹದ ಊಟ ಮುಗಿಸಿ ಬರುತ್ತಾ ಇತ್ತಂತೆ,ಸ್ಕ್ಯಾಟ್ ಎಂಬುವ ಒಬ್ಬರು ಸೈನಿಕ ಈ ರೀತಿ ಬಾಬಿಗೆ ತರಭೇತಿ ಮಾಡಿದ್ದರು ಎನ್ನಲಾಗಿದೆ,ಸಂಜೆಯೂ 6 ಗಂಟೆಗೆ ಊಟ ಮುಗಿಸಿ ವಾಪಾಸಾಗುತ್ತಿತ್ತಂತೆ ಬಾಬಿ..!

ಕೆಲವು ಸಮಯದ ನಂತರ ಅಲ್ಲಿನ ಆಡಳಿತ ಮಂಡಳಿವತಿಯಿಂದ
1867 ರಲ್ಲಿ ಒಂದು ಹೊಸ ಕಾನೂನು ಮಾಡಲಾಗುತ್ತದೆ,ಎಲ್ಲಾ ನಾಯಿಗಳಿಗೆ ಲೈಸೆನ್ಸ್ ಟ್ಯಾಗ್ ಇರಲೇ ಬೇಕು,ಲೈಸೆನ್ಸ್ ಇಲ್ಲವಾದರೆ ಅದನ್ನ ಸಾಯಿಸಲಾಗುವುದು ಅಂತ!?

ಇದನ್ನ ಗಮನಿಸಿದ Scotish society for prevention cruelty to animal ನ ನಿರ್ದೇಶಕರು William chamber ಎನ್ನುವವರು ನಾಯಿಯ ಲೈಸೆನ್ಸ್ ಗೆ,ಸಂಬಂದ ಪಟ್ಟ ಇಲಾಖೆಗೆ ಹಣ ಕೊಟ್ಟು,ಟ್ಯಾಗ್ ಮಾಡಿಸಿ ಕಾಲರ್ ತಂದು ಕೊರಳಿಗೆ ಹಾಕಿದ್ದರಂತೆ,

ಆ ಕೊರಳ ಲೈಸೆನ್ಸ್ ಪಟ್ಟಿ ಈಗಲೂ ಎಡಿನ್ ಬರೋ ಮ್ಯೂಸಿಯಂ ನಲ್ಲಿ ಇಡಲಾಗಿದೆ,

14ಜನವರಿ 1872 ರಂದು ಬಾಬಿ ಕೊನೆಉಸಿರು ಎಳೆದು ಬಿಡುತ್ತೆ ಆಗ ಅದಕ್ಕೆ 16 ವರ್ಷ ವಯಸ್ಸು...
ಬಾಬಿಯನ್ನ ಕೂಡ ಅದೇ ಸ್ಮಶಾನದ ಬಳಿ,ಅದರ ಒಡೆಯನ ಸಮಾಧಿ ಹತ್ತಿರವೇ ಹೂಳಲಾಗಿದೆ!

ಎಡಿನ್ ಬರೋದಾ ಜನತೆ ಈ ಬಾಬಿಯ ಮೇಲೆ ಬಹಳ ಪ್ರೀತಿ ತೋರಿಸಿ 14 ವರ್ಷ ನೋಡಿದರೂ,ಬಾಬಿ ತನ್ನ ಯಜಮಾನನ ಮೇಲಿನ ಪ್ರೀತಿ ತನ್ನ ಕೊನೆ ಉಸಿರು ಇರುವವರೆಗೆ ಸ್ವಲ್ಪವೂ ಕಡಿಮೆ ಮಾಡಲಿಲ್ಲ,ಆ ಜಾಗವನ್ನ ಬಿಡಲೇ ಇಲ್ಲ ಅನ್ನೋದು ಬಹಳ,ಆಶ್ಚರ್ಯ,ವಿಶೇಷ ಹಾಗೂ ಖುಷಿ ಪಡುವ ಸಂಗತಿ..

ಅದರ ನೆನಪಿಗಾಗಿ  Philanthropist (ಪರೋಪಕಾರಿ,ಸಮಾಜ ಸೇವಕಿ ಅನ್ನಬಹುದು!)Lady burdett-coutt ಎನ್ನುವವರು ಇದರಿಂದ ಪ್ರೇರೇಪಿತರಾಗಿ  ಕಾರಂಜಿಯೊಂದಿಗೆ ಇರುವ ಬಾಬಿ ಪ್ರತಿಮೆಯನ್ನ george 4 bridge ಮತ್ತು candle maker row junction ನಲ್ಲಿ ಅಲ್ಲಿನ ಸ್ಥಳೀಯ ಆಡಳಿತ ಮಂಡಳಿಯ ಪರ್ಮಿಶನ್ ತೆಗೆದು ಕೊಂಡು ಸ್ಥಾಪಿಸಿದರು..
ಇದರ ಹೆಸರಿನ ಒಂದು ಬಾರ್ ಮತ್ತು ರೆಸ್ಟೋರೆಂಟ್ ಕೂಡ ಅಲ್ಲೇ ಮಾಡಲಾಗಿದೆ..

ಬಾಬಿಯ ಮೇಲೆ ಹಲವು ಕತೆಗಳು,ಲೇಖನಗಳು,ಚಲನಚಿತ್ರಗಳು ಆಗಿವೆ,
Novel-greyfriars Bobby by Eleanor atkinson(1912)

Film-Greyfriar Bobby(1961),Adventure of Greyfriars Bobby(2006) ಆಗಿವೆ..

ಇದರ ಮೂಗನ್ನು ಉಜ್ಜಿದರೆ ಲಕ್ ಬರುತ್ತೆ ಎನ್ನುವ ಒಂದು ನಂಬಿಕೆಯೂ ಇಲ್ಲಿದೆ..!

ಪ್ರವಾಸಿಗರು,ಬಾಬಿಯ ಪ್ರತಿಮೆಯ ಮೂಗು ಉಜ್ಜಿ ಉಜ್ಜಿ ಬಂಗಾರದ ಬಣ್ಣ ಮಾಡಿಟ್ಟಿದ್ದಾರೆ..!
😊